Elordada Múlik ıeleri birlestigi qurylǵanda 5 myńǵa jýyq jumys orny ashylady
NUR-SULTAN. QazAqparat - Elordada Múlik ıeleri birlestigi qurylǵanda 5 myńǵa jýyq jumys orny ashylady. Bul týraly Nur-Sultan qalalyq kásipkerler palatasy dırektorynyń orynbasary Qýanyshbek Muqash aıtty, dep habarlaıdy QazAqparat tilshisi.
«Qazirgi ýaqytta kásipkerler elorda turǵyndaryna tsıfrlandyrý arqyly óz úılerin basqarýǵa barlyq múmkindikterdi jasady. ıAǵnı, onlaın kezdesýler ótkizý, úı máselelerine qatysty daýys berý, tólem jasaý, ótinimderdi jiberý jáne taǵy basqalary qamtylyp otyr. Pandemııaǵa qaramastan, bıznes turǵyndardyń 250 onlaın kezdesýlerin ótkizýdi qamtamasyz etti. 30-dan astam Múlik ıeleri birlestigine keńes berildi, jáne kiltpen tirkeýdi júzege asyrýǵa qoldaý kórsetildi», – dedi Qýanyshbek Muqash Kásipkerler quqyǵyn qorǵaý jónindegi keńes otyrysynda.
Onyń atap ótýinshe, elordada bıznes qaýymdastyǵy «iQamal» zańdy tulǵalar men jeke kásipkerler qaýymdastyǵynyń qatysýymen 100-den astam Múlik ıeleri birlestigin qurdy basqarý organdarynyń qyzmetine jan-jaqty qoldaý uıymdastyrdy
«Zańdy tulǵalar sanynyń 2000-ǵa deıin ulǵaıýy kútiledi. Al bul shamamen 5000 jańa jumys ornyn qurýǵa múmkindik beredi», - dedi ol.
Aıta keteıik, 2021 jyldyń aqpanyna deıin turǵyn úılerge qyzmet kórsetetin múlik ıeleri birlestigi (MIB) uıymdary ár turǵyn úı kesheninde qurylady. Ol burynǵy páter ıeleri kooperatıviniń qyzmetin atqarady. Degenmen, aıyrmashylyǵy kóp. Máselen, bir PIK ondaǵan, tipti júzdegen turǵyn úıge servıstik qyzmet kórsetedi. Oǵan páter ıeleri aı saıyn qajetti qarajat aýdarady.
