Elordada múgedek balalarǵa qaıyrymdylyq merekesi uıymdastyryldy
ASTANA. 12 qazan. QazAqparat - Astanadaǵy №64 «Asyl bóbek» balabaqshasynda Múgedekter kúnine oraı merekelik is-sharalar ótti. Oǵan múmkindigi shekteýli 60 bala qatysty.
Іs-shara barysynda tabıǵı materıaldardan, kókónister men jemisterden jasalǵan buıymdardyń «Kúz tartýy» baıqaýy, eresek jáne daıyndyq toptaǵy balalardyń shyǵarmashylyq týyndylarynyń «Altyn kúz» kórmesi ótkizildi. Sonymen qatar, qoldan jasalǵan buıymdar, natıýrmorttar men kúzgi japyraqtardardan jasalǵan gúl shoqtary kópshilik nazaryna usynyldy. Merekelik shara kezinde «Biz myqtymyz, batylmyz jáne eptimiz», «Kim júrdek?», «Eń epti», «Ónim jına», «Sheńbermen estafeta» syndy sport jarystary uıymdastyryldy. Balalar «Taqııa tastamaq», «Qyz qýý», «Asyq jınaý», «Kim ushady» oıyndaryn oınady.
Mereke múmkindigi shekteýli balalardyń qatysýymen ótken kontserttik baǵdarlamamen aıaqtaldy.
Uıymdastyrýshylardyń aıtýynsha, is-sharanyń maqsaty - balalardyń, múgedekterdiń qoǵamda áleýmettenýine kómektesý, olardyń ishki áleýetterin ashý, sondaı-aq, ár balanyń óz-ózine degen senimin damytý. Іs-sharany Balalardyń quqyǵyn qorǵaý basqarmasy, ıÝNISEF jáne N.A.Nazarbaev zııatkerlik mektebiniń oqýshylary uıymdastyrdy, dep habarlaıdy astana.kz saıty Balalardyń quqyǵyn qorǵaý basqarmasyna silteme jasap.
