Elordada Muǵaljar kóshesi jartylaı jabyldy
NUR-SULTAN. QazAqparat - Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý úshin elordalyq PD ákimshilik polıtsııa basqarmasynyń kelisimimen Muǵaljar kóshesinde jóndeý jumystaryn bastady, dep habarlaıdy QazAqparat qala ákimdiginiń resmı saıtyna silteme jasap.
Bıyl 10-16 tamyz aralyǵynda jóndeý jumystarynyń júrgizilýine baılanysty Muǵaljar kóshesiniń Kereı, Jánibek handar kóshesinen Qońyróleń kóshesine deıingi aralyǵy kólik qozǵalysy úshin jabylady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet.
Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy ótinemiz», — delingen kólik basqarmasynyń habarlamasynda.
