Elordada muǵalimder men polıtsııa qyzmetkerlerin vaktsınalaý bastaldy
NUR-SULTAN. QazAqparat – 1 naýryzdan bastap Nur-Sultanda koronavırýsqa qarsy ekpeni muǵalimder, balabaqsha tárbıeshileri, quqyq qorǵaý organdarynyń qyzmetkerleri alady, dep habarlaıdy QazAqparat tilshisi.
Qalalyq Qoǵamdyq densaýlyq saqtaý basqarmasynyń málimetinshe, bul topqa 15 myńnan astam adam kiredi. Osy sanattaǵy adamdardy vaktsınalaý úshin Nur-Sultanda 36 alǵashqy medıtsınalyq-sanıtarlyq kómek uıymdarynda ekpe egý bólmeleri uıymdastyryldy. Sondaı-aq ekpe saldyrtýǵa vedomstvoaralyq uıymdar da qatysady.
«Muǵalimder men tárbıeshilerge vaktsınalaý AMSK uıymdaryna bilim berý uıymy bekitilgen jeri boıynsha jasalady. Vaktsına alatyndardyń tizimderi jasaldy, tıisti emhanalarǵa jiberildi», - dep atap ótedi basqarmadan.
Aıta keteıik, 1 aqpannan bastap Nur-Sultanda barlyǵy 2 126 adam koronavırýsqa qarsy ekpe aldy. Ótken demalys kúnderi basqarmanyń qoımalaryna 7 myńnan astam vaktsınanyń jańa dozasy tústi.
