Elordada muǵalimder men medbıkelerge páter berildi
NUR-SULTAN. QazAqparat – Elordada 150-den astam otbasyna páter kiltteri tabystaldy. Olardyń ishinde feldsherler, medbıkeler, muǵalimder, dárigerler bar, dep habarlaıdy QazAqparat qalalyq ákimdiktiń baspasóz qyzmetine silteme jasap.
Jańa turǵyn úı elordamyzdyń Almaty aýdanynda, jańa vokzaldyń janynda ornalasqan. Janynda medıtsınalyq ortalyqtar, mektepter, balabaqshalar bar. Bul avtonomdy qazandyq tabıǵı gazǵa qosylǵan alǵashqy úı.
Buǵan deıin Qazaqstan ıpotekalyq kompanııasymen birlese áleýmettik páter alýshylar sanaty edáýir keńeıttilgen edi. Tizimge medıtsına qyzmetkerleri men muǵalimderden basqa áleýmettik qyzmetkerler, tótenshe jaǵdaı departamentiniń, polıtsııa departamentiniń qyzmetkerleri, mádenıet jáne sport qaıratkerleri kirdi. Atalǵan baǵdarlama boıynsha 1 myńǵa jýyq páter berý josparlanyp otyr. 500-den astamy berilip te qoıǵan. Qujattama boıynsha jumystar júrgizilip jatyr. Osy turǵyn úı baǵdarlamasy boıynsha páterler satyp alý quqyǵymen beriledi.
Memleket basshysynyń tapsyrmasy boıynsha bıyl Qoljetimdi jeńildikti turǵyn úı qurylysynyń kólemi ulǵaıtylǵan. Jyl sońyna deıin halyqtyń áleýmettik álsiz toptarynan kezekte turǵandarǵa arnalǵan páterlerdiń taǵy birshamasy tabystalmaq. Qoljetimdi turǵyn úı qurylysyna úı qurylysy kombınattary da kómektesedi. Jaqynda qalada osyndaı ekinshi kombınat ashyldy. Olardyń artyqshylyǵy-úılerdi salý merzimi qysqarady jáne sharshy metrdiń qunyn tómendetýge múmkindik beredi.
