Elordada muǵalimder koronavırýsqa qarsy revaktsınatsııadan belsendi ótýde
Elordanyń barlyq egý pýnkterinde vaktsınatsııamen qatar halyqty COVID-19-ǵa qarsy revaktsınatsııalaý da júrgizilýde.
Birinshi kezekte qaıta vaktsınany halyqpen tikeleı jumys isteıtin mamandar alady. Olardyń qatarynda quqyq qorǵaý organdarynyń qyzmetkerleri, medıtsına qyzmetkerleri, muǵalimder jáne sozylmaly aýrýy bar osal toptardyń azamattary jáne t.b. bar.
«Biz búgin áriptesterimizben – bilim basqarmasynyń qyzmetkerlerimen, mektep, qosymsha bilim berý nysandarynyń, mamandandyrylǵan mektepterdiń basshylarymen revaktsınatsııadan ótip jatyrmyz. Biz muǵalimderdi revaktsınatsııadan ótýge shaqyramyz. 17 qańtardan bastap úshinshi toqsan onlaın rejımde bastaldy, biz pedagog retinde balalarymyzdyń úıde qamalyp, qashyqtan ekran arqyly bilim alǵanyn qalamaımyz. Onlaın oqytý bolǵan 1,5 jyl ishinde bilim berý sapasynyń tómendegenin baıqadyq, bul ásirese balalarymyzdyń tárbıesine áser etti. Sondyqtan balalar men ata-analardyń densaýlyǵyn qorǵaý jáne juqtyrmaý úshin muǵalimder revaktsınatsııadan ótedi», - dedi qalalyq bilim basqarmasynyń basshysy Qasymhan Senǵazıev.
Onyń aıtýynsha, muǵalimder úshin birinshi kezekte revaktsınatsııadan ótý mańyzdy, óıtkeni densaýlyqtan bólek, bul oqý protsesine de áser etýi múmkin. Mysaly, muǵalimde koronavırýs anyqtalar bolsa, ol 14 kún boıy úı karantıninde bolady, bul oqý protsesine qosymsha kúsh túsiredi.
«Áriptesterimdi, muǵalimderdi, búkil qala turǵyndaryn revaktsınatsııadan ótýge shaqyramyn. Sońǵy kúnderi aýrýdyń qatty kúsheıip jatqanyn kórip otyrmyz. Biz muǵalimderdiń aýrýdy juqtyrmaǵanyn qalaımyz. 24 qańtarda oqýshylardyń offlaın formatta bilim alýy úshin mektepter qaıta ashylady. Bul rette 600-den astam oqýshyǵa arnalǵan mektepterde oflaın oqytý 1-4 synyp oqýshylary úshin ǵana bastalady, qalǵan balalar ata-analarynyń ótinishi boıynsha mektepke barady. Bul rette jumys júktemesi oqý ornynyń jobalyq qýatynyń 50%-nan aspaýy tıis. Búginde barlyq mektep balalardy qabyldaýǵa daıyn», - dedi Qasymhan Senǵazıev.
Elordalyq №29 mekteptiń dırektory Qarlyǵash Dosmaǵambetovanyń aıtýynsha, muǵalimder óz densaýlyqtaryn qorǵap qana qoımaı, oqýshylaryn vırýstan qorǵaý úshin belsendi túrde revaktsınatsııadan ótýde. Pedagog óz áriptesterimen birge №2 qalalyq emhanaǵa býsterlik vaktsına alý úshin keldi.
«Biz, muǵalimder, sondaı-aq balalar men ata-analar árıne, oflaın rejım bolǵanyn qalaımyz, óıtkeni bul tıimdi oqytý jáne jandy qarym-qatynas. Biz 24 qańtarda mektebimiz qaıta ashylatynyna óte qýanyshtymyz. Vaktsınatsııa jáne revaktsınatsııa eń aldymen mektepte oqıtyn oqýshylardyń densaýlyǵynyń qaýipsizdigi úshin qajet. Biz belsendi azamat retinde alǵashqylardyń biri bolyp vaktsınatsııaladyq, endi revaktsınatsııaǵa keldik. Meniń ujymda 113 muǵalim bar, 1 qyrkúıekke deıin, ıaǵnı osy oqý jylynyń basynda qyzmetkerlerimiz 100% vaktsına aldy. Qazir revaktsınatsııadan ótip jatyrmyz, 24 qańtarǵa qaraı barlyq muǵalimder vaktsınany qaıtadan alady», - dedi elordalyq mektep dırektory.
«Revaktsınatsııa bastaldy, sonymen qatar Pfizer preparatymen 12-18 jas aralyǵyndaǵy jasóspirimderdi, 16-37 apta aralyǵyndaǵy júkti áıelderdi, sondaı-aq bosanǵannan keıingi kezeńdegi áıelderdi 41 kúnnen bastap, sol sııaqty 60 jastan asqan qart adamdardy vaktsınatsııalaýdy jalǵastyramyz. Birinshi kezekte medıtsına qyzmetkerleri, pedagogtar, sozylmaly aýrýlary bar adamdar sanaty, qarttar qaıta vaktsınatsııalanady. Azamattar qandaı preparatpen revaktsınatsııalanatynyn tańdaı alady. Qytaılyq, qazaqstandyq vaktsınalar bar, sondaı-aq Spýtnık Laıtpen qaıta vaktsınatsııalaımyz. Emhanamyzda qyzmetkerlerdiń 90%-dan astamy revaktsınatsııadan ótti. Bul shara densaýlyqty saqtaý jáne vırýstan qorǵaný úshin qajet, sondyqtan biz barlyǵyn koronavırýsqa qarsy vaktsınatsııadan jáne revaktsınatsııadan ótýge shaqyramyz», - dep atap ótti Maıra Ahmetova.
