Elordada muǵalim, dáriger jáne polıtseılerge 3 000 turǵyn úı sertıfıkaty beriledi
ASTANA. QazAqparat - 2019 jyly elordada muǵalimderge, dárigerler men polıtseılerge turǵyn úı sertıfıkattary beriledi, dep habarlaıdy elorda ákimdiginiń resmı saıty.
Astana ákimdigi Memleket basshysynyń Joldaýyndaǵy tapsyrmany iske asyrý sheńberinde baǵdarlama ázirledi. Onyń aıasynda muǵalimder, dárigerler men polıtseılerge 1 mln teńge kóleminde alǵashqy sýbsıdııalyq jarna qarastyrylady.
Ákimdikte ótken baspasóz konferentsııasynda Jumyspen qamtý jáne áleýmettik qorǵaý basqarmasy basshysynyń orynbasary Aqmar Saıpov atap ótkendeı, jyl sońyna deıin 100-ge jýyq sertıfıkat bólinedi dep josparlanýda. Kelesi jyly 3 myń sertıfıkat bólinbek.
«TQJB men Astana ákimdigi arasynda bekitilgen kelisimniń sharty boıynsha árbir operator ıaǵnı Bilim, densaýlyq saqtaý jáne astanalyq ІІD ózderi irikteý júrgizip, tizimin jasap shyǵady. Sodan soń, ol tizimdi TQJB tólem qabiletin rastaý úshin usynady. Tólem qabileti bar dep baǵalanǵandar tizimin bizge usynady, sosyn biz sýbsıdııa tóleımiz. Jyl sońyna deıin qarashada qabyldanǵan máslıhattyń sheshimimen osy jyly 100 sertıfıkatqa berýdi josparlap otyrmyz. Kelesi jyly 3 myń sertıfıkat beriledi dep josparlanýda», - dedi ol.
