Elordada mototsıkl mingen 17 jastaǵy jigit jaryq baǵanasyna soǵylyp qaza tapty
NUR-SULTAN. QazAqparat – Kún jylyna bastaǵaly elorda joldarynda motokólikpen júrgender qatary da kóbeıdi. Al motokóliktik apatqa ushyraýy júrgizýshi ómirine asa qaýipti, dep habarlaıdy QazAqparat Nur-Sultan qalasy polıtsııa departamentine silteme jasap.
13 cáýir kúni saǵat 21:20-da «Reiser» mototsıklin júrgizgen 17 jastaǵy jigit Qorǵaljyn tas jolymen Baıǵanın kóshesi jaqqa kele jatyp, kóligin basqara almaı, kóshedegi jaryq baǵanasyna soǵyldy. Jol-kólik oqıǵasy saldarynan mototsıkldiń júrgizýshisi alǵan jaraqattarynan oqıǵa ornynda kóz jumdy. Atalǵan faktige qatysty tergeý júrgizilýde.
Statıstıkaǵa sáıkes, mototehnıkanyń apatqa ushyraýyna kóbine júrgizýshilerdiń qaýipsizdikti saqtamaýy, jol erejesin buzýy sebep bolady. Mototsıklshilerdiń kinásinen bolatyn oqıǵalarǵa olardyń jyldamdyq rejımin asyrý jáne manerv jasaý erejelerin buzý, kólik quralyn júrgizý tájirıbesiniń azdyǵy sebep bolady.
