Elordada «Myńjyldyqtar toǵysyndaǵy Túrkistan» kórmesi ashyldy
Astanadaǵy Ulttyq mýzeıde Respýblıka kúnine oraı jańa kórme ashyldy, dep habarlaıdy Kazinform.
«Búgingi kórme elimizdiń ulttyq merekesi — Respýblıka kúni qarsańynda ashylyp otyr. Elimizdiń eldigi men mádenı tarıhy osyndaı muralardan bastaý alady. Jalpy „Myńjyldyqtar toǵysyndaǵy Túrkistan“ kórmesi — qundy muralarymyzdy saqtap, olardy nasıhattaýdy kózdeıtin irgeli jobalardyń biri. Tujyrymdamada ulttyq mádenıetimizdi saqtaý men damytý týraly qaǵıdattar jáne ıdeıalar belgilengen. Maqsat — halqymyzdyń tarıhı-mádenı qundylyqtarynyń ótkeni, búgini men bolashaǵyn tanystyrý», — dedi Mádenıet jáne aqparat vıtse-mınıstri Arman Júdebaev atalǵan kórmeniń ashylý saltanatynda.
Uıymdastyrýshylardyń málimetinshe, kórmeni túrki memleketteri uıymynyń 10-shy mereıtoılyq sammıtine oraı «Áziret Sultan» memlekettik tarıhı-mádenı mýzeı-qoryǵy qory uıymdastyrylyp otyr.
Kórmeni Ulttyq mýzeıde tamashalaýǵa bolady.
«Kórme úsh tarıhı bólimnen turady. Atap aıtqanda „Tarıhy tereń Túrkistan“, „Túrkistan — túrki áleminiń rýhanı ortalyǵy“ jáne „Joshy ulysynan Qazaq handyǵyna deıin“. Barlyq bólimde elimizdiń damý tarıhy tolyq kólemde kórsetilgen», — deıdi mınıstrdiń orynbasary.
Aıta keteıik, kórmede Qoja Ahmet ıAsaýı kesenesiniń salyný tarıhy, qurylys erekshelikteri men qurylymy, kesenege arnaıy syıǵa tartylǵan XІV ǵasyrdaǵy jádigerler tanystyryldy.
130-ǵa jýyq jádigerdiń túpnusqasy kópshilik nazaryna usynyldy.
