Elordada mınıstrlikter, komıtetter jáne basqa da ortalyq atqarýshy organdar arasynda spartakıada ótedi
ASTANA. Mamyrdyń 28-i. QazAqparat - Mamyrdyń 29-30-y kúnderi elordada QR Sport jáne týrızm mınıstrliginiń uıymdastyrýymen shaǵyn fýtboldan, voleıboldan jáne bılıardtan mınıstrlikter, komıtetter jáne basqa da ortalyq atqarýshy organdar arasynda spartakıada ótedi.
Bul aqparatty QR Sport jáne týrızm mınıstrliginen habarlady.
Bul 2010 jylǵy qańtardyń 29-yndaǵy QR Prezıdenti Nursultan Nazarbaevtyń «Jańa Qazaqstan - jańa onjyldyq - Qazaqstannyń jańa múmkindikteri» atty Qazaqstan halqyna joldaýyn júzege asyrýǵa, memlekettik qyzmetkerdiń pozıtıvti ustanymyn nyǵaıtýǵa, salaýatty ómir saltyn nasıhattaýǵa jáne Qazaqstannyń barlyq turǵyndarynyń dene tárbıesi men sportpen belsendi aınalysýyna arnalǵan sporttyq-buqaralyq is sharalardyń biri.
«Spartakıadaǵa barlyq mınıstrlikter men vedomstovlardyń ókilderi, olardyń qurylymdyq bólimsheleriniń birinshi basshylary qatysady dep kútilýde», delingen baspasóz habarlamasynda.
Mamyrdyń 29-ynda Q.Muńaıtpasov atyndaǵy Ortalyq stadıonda spartakıadanyń saltanatty ashylý rásimi ótedi. Osy kúni atalǵan stadıonda shaǵyn fýtboldan, «Jeti qazyna» kesheninde bılıardtan, al «Astana» sport kesheninde voleıboldan jarystar bastalady.
