Elordada mıkronesıelik uıymǵa shabýyl jasaldy
NUR-SULTAN. QazAqparat – Elordada tapa tal túste mıkronesıelik uıymǵa shabýyl jasaldy, dep habarlaıdy QazAqparat tilshisi.
«Saǵat 17:45-te Polıtsııa departamentiniń Jedel basqarý ortalyǵyna mıkronesıelik uıymǵa shabýyl jasalǵany týraly habarlama kelip tústi. Polıtsııaǵa júgingen boıjetkenniń aıtýynsha, oǵan belgisiz er adam tap bergen. Pyshaqpen qorqytyp, ashyq túrde aqshany jymqyryp ketpek bolǵan. Oqıǵa ornyna «Baıqońyr» aýdandyq polıtsııa basqarmasynyń jedel tergeý toby shuǵyl shyǵyp, bir táýliktiń ishinde kúdiktini ustady», - dep málim etti qalalyq Polıtsııa departamentinen.
Ustalǵan 1992 jylǵy kúdiktiniń turaqty jumysy bolmaǵany habarlanyp otyr. Buryn-sońdy qylmystyq jaýapkershilikke tartylmaǵan.
«Tergeý amaldary kezinde ustalǵan azamat qylmysyn moıyndady. Onymen birge polıtseıler qylmysty dáleldeıtin aıǵaq zattardy tárkiledi. Qazirgi ýaqytta kúdikti qaladaǵy ýaqytsha oqshaýlaǵyshta otyr», - delingen aqparatta.
Atalmysh fakti boıynsha QR Qylmystyq kodeksiniń 192-baby 1-bóligi boıynsha sotqa deıingi tergeý amaldary júrgizilýde.
