Elordada «Mıgrant» jedel aldyn alý is sharasy bastaldy
ASTANA. Sáýirdiń 13-i. QazAqparat - Búgin elordada «Mıgrant» jedel aldyn alý is-sharasy bastaldy. Bul týraly Astana qalalyq ishki ister departametiniń til saıasaty jáne aqparat bóliminen habarlady.
«QR Іshki ister mınıstriniń buıryǵymen quqyqtyq tártipti qamtamasyz etý, elordadaǵy zańsyz kelgen tulǵalardy anyqtaý, zańsyz kóshi-qon arnalarynyń jolyn kesý jáne elge sheteldikterdiń kelýine baqylaýdy qataıtý maqsatynda Astana qalasynda sáýirdiń 13-i men 17-si aralyǵynda «Mıgrant» jedel aldyn alý is-sharasy ótkiziledi», delingen baspasóz habarlamasynda.
Atalǵan sharany júzege asyrýǵa ishki ister organdarynyń 1000-ǵa jýyq qyzmetkerleri tartylmaq.
Sheteldikter kóp turatyn jáne keletin oryndarǵa, atap aıtqanda, bazarlarǵa, qurylys nysandaryna, avtobeketterge, qonaqúıler men jataqhanalarǵa reıdter júrgizilip, kóshi-qon zańnamasynyń buzylý faktilerine, sondaı-aq zańsyz kóshi-qondy uıymdastyrýshylar men arnalarǵa tekseris júrgiziledi.
Kóshi-qon zańnamasyn buzǵan azamattardyń kelý merzimi qysqartylyp, elden shyǵarylady.
