Elordada «Mıgrant» sharasy ótti
ASTANA. 9 tamyz. QazAqparat. Aǵymdaǵy jylǵy tamyzdyń 5-si men 6-sy aralyǵynda Astana qalalyq ІІD elorda aýmaǵyndaǵy belgilengen quqyq tártibin qamtamasyz etý, elorda aýmaǵyna zańsyz kelgen tulǵalardy anyqtaý, sonymen qatar qalaǵa shetel azamattarynyń kelý kezindegi baqylaýdy kúsheıtý maqsatynda «Mıgrant» jedel aldyn alý sharasy ótti.
Onyń barysynda polıtsııa qyzmetkerleri zańsyz mıgranttar bolýy múmkin qozǵalys oryndary, jolaýshy avtobýstary men basqa da kólikter, zańsyz shetel azamattary bolýy múmkin oryndar (turǵylyqty meken-jaılary, qurylys obektileri, jertóle bólmeleri, bazarlar, kóterme saýda ortalyqtary, vokzaldyń qasyndaǵy aýmaqtar men ózge de oryndar) tekserý jumystary júrgizildi. Nátıjesinde 27 uıym, mekeme men oqý oryndary, sol sııaqty shetel turǵyndary kóp turatyn jataqhanalar tekserildi.
«Jasyryndy» atty sharany júrgizý barysynda barlyǵy 244 ákimshilik quqyq buzýshylyq anyqtaldy, onyń ishinde ákimshilik jaýapkershilikke tartylǵan shetel azamattarynyń sany - 244, ákimshilik sottyń sheshimimen 14 shetel azamaty elden qýyldy. Jeke basyn anyqtaý úshin ІІD-niń qabyldaý-taratý ornyna 36 taıaý shetel azamaty jabyldy. Kóshi-qon zańnamasyn buzǵany úshin Qazaqstan Respýblıkasynyń 86 azamaty ákimshilik jaýapkershilikke tartylyp, onyń ishinde 71-i qala aýmaǵynda tıisti qujatsyz, tirkeýsiz jáne jaramsyz qujattarmen, jeke basyn anyqtaıtyn tólqujatsyz turǵany úshin; 14 azamat bekitilgen shetel azamattarynyń tirkelý tártibin qamtamasyz etpegeni úshin; 1 adam shetel jumys kúshin paıdalaný erejesin buzǵany úshin jaýapkershilikke tartyldy.
1955 jyly týǵan QR azamaty jumys berýshi retinde ýákiletti organnyń tıisti ruqsatynsyz shetel azamattaryn jumysqa qabyldaǵany úshin ákimshilik jaýapkershilikke tartyldy. Odan memleket paıdasyna 10 MRP kóleminde ákimshilik aıyppul óndirildi.
Sondı-aq Astana qalalyq ІІD Uıymdasqan qylmyspen kúres basqarmasy qyzmetkerleri júrgizgen jedel-izdestirý sharasy barysynda oıyn bıznesi aıasynda zań buzýshylyq anyqtaldy. Qala ǵımarattarynyń birinde oıyn zalynyń operatory utys retinde aqshalaı syıaqy bergen. Aıǵaq zattary retinde 11 oıyn avtomaty tárkilendi.
Osy is boıynsha kináli tulǵalardyń qatystylyǵyna tekserý júrgizilip, ákimshilik jaýapkershilikke tartylady.
