Elordada «Mıgrant» respýblıkalyq shuǵyl aldyn alý sharasy kezinde 392 adam ustaldy
ASTANA. Qarashanyń 4-i. QazAqparat /Marlan Jıembaı/ - Osydan eki kún buryn bastalǵan «Mıgrant» respýblıkalyq shuǵyl aldyn alý sharasy kezinde elorda aýmaǵynda 392 adam ustaldy,
dep habarlaıdy QazAqparat.
Astana qalalyq ishki ister departamenti til saıasaty jáne aqparat bóliminiń bastyǵy Nurdildá Orazdyń aıtýynsha, ustalǵan azamattardyń barlyǵy da jaýapqa tartylyp, 30-y respýblıka aýmaǵynan shyǵarylǵan.
Jalpy is-sharaǵa Kóshi-qon polıtsııasynyń 39 qyzmetkeri, ýchaskelik ıspektorlar men jol jáne krımınaldyq polıtsııa tarapynan 253 qyzmetker jumyldyrylǵan. Sonymen qatar qalalyq bazarlar, avtoturaqtar, qurylys nysandarynyń aýmaǵynda tekseris júrgizý maqsatynda jedel áreket etý arnaıy bóliminiń 15 adamnan turatyn birneshe toby qurylǵan.
Qarashanyń 2-sinde bastalǵan shara osy aıdyń 11-ine deıin jalǵasady. Operatsııanyń maqsaty - Qazaqstan aýmaǵynda zańsyz júrgen sheteldik azamattardy anyqtaý, zańsyz kóshi-qon arnalarynyń jolyn kesý.
