Elordada meshit shákirtteri arasynda Quran jarysy ótti
ASTANA. QazAqparat - Elordadaǵy «Áziret Sultan» meshitinde shákirtter arasynda Quran jarysy ótti. Bul týraly QMDB resmı saıtynda habarlandy.
Meshit shákirtterin mereılendirip, yntalandyrý maqsatynda búgin sondaı ıgi sharalardyń Qazaq eliniń tuǵyry bıik merekesi - Táýelsizdik kúni qarsańynda meshit shákirtteriniń bilimin sarapqa salǵan "Quran oqý jarysy" bolyp ótti. Іrikteý kezeńinde 37 shákirtten 8 shákirt aqtyq synǵa ótip, juma namazynan keıin úzdikter qorytyndy saıysta baq synasty. Jyl boıǵy bilimderin qorytyndylaǵan meshit shákirtteriniń úzdik nátıje kórsetip, oza shapqandaryna aqshalaı syılyqtar úlestirildi. Meshit ustazdarynan quralǵan ádilqazylar alqasynyń sheshimimen І-oryn alǵan júldegerge 50 myń teńge, ІІ jáne ІІІ oryn ıegerlerine 40 jáne 30 teńge kóleminde julde buıyrdy», - delingen habarlamada. «Áziret Sultan» meshitinde tek bıylǵy jyldyń ózinde 218 er jáne 106 áıel adam dáris alyp keledi. «Árıne, bunyń bári meshit ımamdary men ustazdarynyń qajyrly eńbeginiń arqasynda ekendigi aıtpasa da belgili. Buǵan qosa, meshit shákirtteri arasynda dostyq pen baýyrmaldyqty nyǵaıtý maqsatynda túrli sporttyq saıystar men toptyq demalystar da uıymdastyrylyp keledi», - dep atap ótilgen QMDB málimetinde.
