Elordada merziminen buryn bosatylǵan 18 qylmysker túrmege qaıta tústi

ASTANA. QazAqparat – Elordada isti bolyp, jazasyn ótep shyqqandar arasynda qylmysqa qaıta barý faktileri tirkeldi. Bul týraly Astana qalasy Polıtsııa departamentiniń jergilikti polıtsııa qyzmeti basqarmasynyń bastyǵy Arman Aıtmaǵambetov málim etti, dep habarlaıdy QazAqparat tilshisi.

«Bıyl 7 aıdyń qorytyndysy boıynsha 10 myń turǵynǵa shaqqanda jáne ótken jyldyń 7 aıymen salystyrǵanda qylmys ındıkatory 6,5%-ǵa tómen. Bul jerde servıstik tásildi engizý men ilgeriletýge basa nazar aýdarylady. Jyl basynan beri isti bolyp, biraq jazasyn tolyq ótemegender qaıtadan 479 qylmys jasady. Onyń ishinde 250-i probatsııa qyzmeti esebinde turǵan», - dedi Arman Aıtmaǵambetov qalalyq máslıhatta ótken otyrysta.

Onyń aıtýynsha, sottalǵandardyń qaıta qylmys jasaýǵa qaıta barmaýyna jol bermeý baǵytynda keshendi is-shara iske asyrylyp jatyr.

«Jyl basynan beri shartty túrde merziminen buryn bosatylǵan 18 qylmysker túrmege qaıta oraldy. Sondaı-aq, 45 aıyptyǵa qatysty ákimshilik qadaǵalaý belgilendi. Ákimshilik qadaǵalaý rejımin buzǵany úshin 32 isti azamat jaýapqa tartyldy. Taldaý nátıjesi kórsetkendeı, bas bostandyǵynan aıyrý oryndarynan bosatylǵandardyń kóbi múliktik, sonyń ishinde usaq urlyqqa jıi barady», - deıdi ol.