Elordada «Mereıli otbasy» baıqaýyna ótinim qabyldanyp jatyr
NUR-SULTAN. QazAqparat – Elordada «Mereıli otbasy-2021» ulttyq baıqaýynyń qalalyq kezeńine ótinim qabyldanyp jatyr. Qazaqstannyń Tuńǵysh Prezıdenti bastamashylyq etken bul baıqaý osymen jetinshi jyl ótkizilip keledi. dep habarlaıdy QazAqparat qala ákimdigi saıtyna silteme jasap.
Konkýrstyń negizgi maqsaty – otbasy ınstıtýtyn, adamgershilikti, nekeniń mańyzdylyǵyn nasıhattaý, ata-ananyń bala tárbıesindegi jaýapkershiligin arttyrý, otbasylyq qundylyǵyn, kámeletke tolǵan balalarǵa jáne qart ata-analarǵa qamqorlyq kórsetýdi nasıhattaý, qazaq otbasynyń oń ımıdjin nyǵaıtý.
Konkýrsqa ózdigimen ótinish berý arqyly qatysýǵa bolady, sondaı-aq jergilikti atqarýshy organdar, zańdy tulǵalar usynǵan otbasylar qatysady.
Esterińizge sala keteıik, «Mereıli otbasy» ulttyq baıqaýyna ótinim qabyldaý 15 mamyrda bastalyp, 15 maýsymda aıaqtalady.
Elordadaǵy baıqaýǵa qatysýshylardyń sany jyl saıyn artyp keledi. 2018 jyly 51 otbasy, al 2019 jyly 63 otbasy ótinish bergen.
Konkýrs aýdandyq jáne qalalyq bolyp eki kezeńde ótkiziledi.
Birinshi kezeńde konkýrsqa qatysý ótinimin aýdandyq ákimdik komıssııalary qabyldaıdy.
Materıaldarmen tanysqannan keıin aýdandyq komıssııa 15-30 maýsym aralyǵynda jeńimpazdardy jáne qalalyq kezeńge ótetin 2 otbasyn anyqtaý úshin otyrys ótkizedi.
Konkýrsqa qatysý úshin ótinimder PDF formatynda myna elektrondy poshta arqyly qabyldanady: mereiliotbasy2021@mail.kz.
Qatysý sharttary týraly tolyq aqparatty kelesi telefon nómir arqyly bile alasyz: +7 777 010 40 42, +7 7172 55 67 08.
Myna siltemede tolyq málimet k órsetilgen.
