Elordada merekelik teatr keshi ótedi

NUR-SULTAN. QazAqparat – Erteń halyqaralyq teatr kúni. Aıtýly mereke kúni Nur-Sultan qalasyndaǵy Q. Qýanyshbaev atyndaǵy teatrda merekelik kesh ótedi, dep habarlaıdy QazAqparat tilshisi.

Halyqaralyq teatr kúnine arnalǵan kontserttik baǵdarlama aıasynda «Qallekı tynysy» premeralar aptalyǵynyń qorytyndysy boıynsha marapattaý rásimi ótedi. Merekelik keshtiń rejısseri - Oljas Jaqypbek.

«Qallekı tynysy» atty premeralar aptalyǵy «27 naýryz – halyqaralyq teatr kúni» merekesine oraı ótip otyr.

Aptalyq 13-20 naýryz kúnderi aralyǵynda ótip, teatr sarapshylary men kórermender nazaryna 2021-2022 jyldary sahnalanǵan jańa qoıylymdar usynyldy.

Teatrtanýshy, ónertaný magıstri Mıras Ábil, teatrtanýshy, PhD doktory Nartaı Eskendirov, ónertanýshy-jýrnalıst Nazerke Jumabaı, teatrtanýshy, dramatýrg Qýat Ejembek, teatrtanýshy Baljan Bekmaǵambetova spektaklderdi tolyq taldaý jasap, úzdikteri anyqtaldy.

Aıtýly merekelik shara 27 naýryz kúni saǵat 17:00-de Q.Qýanyshbaev atyndaǵy memlekettik akademııalyq qazaq mýzykalyq drama teatrynda ótedi.