Elordada mereke kúnderi mas kúıinde kólik aıdaǵan 60-qa jýyq júrgizýshi ustaldy
NUR-SULTAN. QazAqparat – Elorda aýmaǵynda polıtsııa qyzmetkerleri jol-kólik oqıǵalarynyń aldyn alý jáne jol erejesin buzý faktilerin anyqtaý maqsatynda reıd ótkizdi, dep habarlaıdy QazAqparat Nur-Sultan qalalyq PD baspasóz qyzmetine silteme jasap.
Úsh kún ishinde 63 ákimshilik quqyq buzýshylyq faktisi tirkeldi, onyń ishinde mas kúıinde kólik tizgindegeni úshin 57 júrgizýshi jáne kólik quralyn basqarý quqyǵynan aıyrylǵan 2 júrgizýshi ustaldy. Kommýnaldyq turaqqa 62 kólik qoıyldy. Barlyq júrgizýshi mas kúıinde kólik júrgizgeni úshin sotqa tartyldy.
Mereke qarsańynda Shubar shaǵyn aýdanynda polıtseıler Nissan Maksima markaly kólikti toqtatty. Ony 32 jastaǵy júrgizýshi mas kúıinde tizgindegen. Buryn er adamnyń sot sheshimimen QR ÁQBtK-niń 608-baby 1-tarmaǵy boıynsha mas kúıinde júrgizgeni úshin júrgizýshi kýáliginen aıyrylǵany anyqtaldy. Qazirgi ýaqytta júrgizýshi qamaýǵa alynyp, PD ýaqytsha ustaý ızolıatoryna qamaldy, qylmystyq is qozǵaldy. Kólik basqarý quqyǵynan aıyrylǵan júrgizýshige temir tulpardy tizgindegeni úshin jáne mas kúıde kólik júrgizgeni úshin 5 myń AEK-ke deıingi aıyppuldan 5 jylǵa deıingi merzimge bas bostandyǵynan aıyrý jazasy taǵaıyndalady.
