Elordada mereke qarsańynda «Jańa jyldyq syılyqtar - 2014» biregeı kórme-jármeńkesi ótýde
«Elordada mereke kúnderine daıyndyq qyzý júrip jatyr. Qalada kórmeler, kontsertter, sporttyq jarystar uıymdastyrylýda. Saýda oıyn-saýyq ortalyqtary da tys qalǵan joq. 14-15 jeltoqsanda «Han Shatyr» SOO «Jańa jyldyq syılyqtar - 2014» alǵashqy mamandandyrylǵan kórme-jármeńkesi ótedi. Onda elorda turǵyndary ózderine jáne jaqyndaryna arnap eksklıýzıvti syılyqtar satyp ala alady», - delingen habarlamada.
Kórmeniń arnaıy bóliminde múmkindigi shekteýli balalardyń eńbekteri usynylǵan. Іs-sharaǵa túrli buıymdar men kádesyılar jasaǵan №65 mektep-gımnazııasynyń oqýshylary qatysady. Kelýshiler balalardyń óz qolymen jasaǵan buıymdaryn satyp alyp, ózderiniń tilekterin bildirip, olarǵa kópten kútken qys meıramy qarsańynda qýanysh syılaı alady.
Kelýshilerge arnalǵan tosyn syı - Astana qalasynyń №65 mektep-gımnazııasynyń oqýshylary ázirlegen merekelik kontsert bolmaq. Balalar dene qımyldarymen óleń aıtyp, poetıkalyq oqýlar men súıikti vokaldyq shyǵarmalaryn oryndaıdy.
Sonymen qatar, eki kún boıy kórme balalar úıleriniń, aýrýhanalar men jetimder úıiniń kishkentaı tárbıelenýshilerine syılyqtar jınaý ornyna aınalmaq. Kelýshiler meıirimdilik tanytyp, balalarǵa arnalǵan tartýlaryn qaldyrady. Aktsııany uıymdastyrýshylar syılyqtardyń kimge berilgeni týraly aqparatty árbir qatysýshyǵa habarlaıdy.
«Jańa jyldyq syılyqtar - 2014» kórmesinde ónimderdiń mol tańdaýy usynylǵan. Onda qazaqstandyq ónimder de, Reseı, Túrkııa, Germanııa, AQSh elderinen kórmege arnaıy ákelingen zattar da satylady. Astana qalasynyń turǵyndary men qonaqtary jańa jyldyq oıynshyqtar men aksessýarlar, kádesyılar, bıjýterııa, kıim-keshekter, qolmen jasalǵan buıymdardy, balalar men úılerge arnalǵan taýarlardy, sondaı-aq, ydys-aıaqtar men gúl kompozıtsııalary men ınterer zattaryn tańdaı alady.