Elordada «Meniń tańdaýym - salaýatty ómir salty!» atty zamanaýı kósheler bıi jáne graffıtı baıqaýy ótkiziledi
ASTANA. 26 mamyr. QazAqparat - Astana qalasy Іshki saıasat basqarmasynyń qoldaýymen Astana qalasy jastar saıasatyn qoldaý memlekettik qory 1 maýsym kúni «Meniń tańdaýym - salaýatty ómir salty!» atty zamanaýı kósheler bıi jáne graffıtı baıqaýyn ótkizýdi josparlaýda.
Atalǵan sharanyń maqsaty - jastar mádenıetin qoldaý jáne damytý, jastardyń ózindik darynyn jetildirýge jaǵdaı jasaý, salaýatty ómir saltyn nasıhattaý, jastardyń mádenıetti bos ýaqytyn uıymdastyrý, graffıtı óneri arqyly jastarǵa ózindik shyǵarmashylyq jetistikke jetý úshin zańdy múmkindik berý.
Baıqaýǵa elordalyq JOO jáne orta bilim berý mekemeleri, mektep oqýshylary, bı stýdııalary qatysady. Baıqaý bı rıngi túrinde komandalarǵa túrli tapsyrmalar berilip, «Zamanaýı kóshe bıleri» stılinde ótedi.
Graffıtıster baıqaýyna óz kúshterimen áreket etetin tájirıbeli, ónerpaz sýretshiler qatysady. Atalǵan óner salasynda júrgen, bilikti mamandar ádilqazy bolyp, qatysýshylardy baqylap, baǵalaıdy. Jeńimpaz atanǵan komanda kýbokka ıe bolyp, baǵaly syılyqtarǵa qol jetkizedi. Baıqaýǵa qatysqan barlyq komandalar alǵyshattarmen jáne gramotalarmen marapattalady.
