Elordada «Meniń otanym - Qazaqstan» serııasymen jaryq kórgen «Qazyǵurt» kitabynyń tusaýkeser rásimi ótti

«Qazyǵurt ólkesiniń qasıeti jóninde buǵan deıin dál mundaılyq tolymdy eńbek jaryq kórgen emes. Sondyqtan da búgin osy kemistiktiń orny toldy dep aıtýǵa bolady. Bul kitappen tanysqan árbir adam óziniń eli, halqy, jeri úshin maqtanysh sezimde bolady dep oılaımyn. Al bul degenimiz bizdiń jıi aıtyp júrgen otanshyldyq tárbıesiniń úlken tetigi bolyp tabylady», dedi shara barysynda sóz sóılegen «Egemen Qazaqstan» respýblıkalyq gazeti» AQ prezıdenti Saýytbek Ábdirahmanov.

Kitapta Qazyǵurt óńiriniń arǵy-bergi tarıhı júıeli jazylǵan. Qazyǵurt taýyna qatysty Nuq paıǵambardyń kemesi jaıly ańyzdyń málim ári beımálim syrlary da áserli baıandalǵan. Túrik qaǵanatynyń bıleýshisi Istemı, Shyńǵys han, Aqsaq Temir, Aleksandr Makedonskıı, Tuman hanym, Abylaı han, Tóle bı syndy aıtýly tarıhı tulǵalardyń ómirlerine qatysty derekter Qazyǵurt boıynda ótken oqıǵalarmen ushtastyra sýrettelgen. Sonymen qatar aýdannyń tańǵajaıyp tabıǵaty, jan-janýarlar álemi, ósimdikter dúnıesi jáne áleýmettik-ekonomıkalyq, mádenı-rýhanı kelbeti jaıly da naqty derekterdi taba alasyz. Basylymdaǵy málimetter kez-kelgen azamattyń qajetine jarary sózsiz.

«Qazyǵurt» kitabynyń tanystyrylymyna kórnekti aqyn-jazýshylar, mádenıet jáne óner qaıratkerleri, tarıhshylar, Parlament depýtattary, zııaly qaýym ókilderi qatysty.

Kitap taralymy 3000 dana. Onyń 2 myńy memlekettik tapsyrys boıynsha, al 1 myńy tanymal azamat Beket Turǵaraevtyń demeýshiligimen jaryq kórip otyr.

Aıta keteıik, bul kitap «Folıant» baspasynyń «Meniń Otanym - Qazaqstan» serııasymen shyǵyp otyrǵan 6-shy kitap. Buǵan deıin «Ulytaý», «Oıyl», «Ereımentaý», «Otyrar», «Baıanaýyl» kitaptary oqyrman nazaryna usynylǵan bolatyn.