Elordada «Meniń atam - maıdanger» atty mektep oqýshylary arasyndaǵy shyǵarmashylyq baıqaýdyń qorytyndysyn jarııalaý saltanaty ótedi
Elordalyq «Astana aqshamy» gazetiniń uıymdastyrýymen ótken baıqaýǵa Astana qalasyndaǵy, sonymen qatar elimizdiń basqa aımaqtaryndaǵy mektep oqýshylarynan 100-ge jýyq shyǵarma kelip túsken. Ádilqazylar alqasynyń qaraýynan ótken 65 shyǵarma basylym betine jarııalandy. Oqýshylar qalamynan týǵan Uly Otan soǵysynda erlik kórsetken maıdanger atalary týraly jazylǵan júrekjardy shyǵarmalardyń 10-y úzdik tanylyp, olarǵa 1,2,3-shi dárejeli dıplomdar men baǵaly syılyqtar tabys etiledi. Sondaı-aq 4 shyǵarmanyń avtorlaryna yntalandyrý syılyqtary beriledi.
«Meniń atam - maıdanger» baıqaýyna kelip túsken úzdik shyǵarmalar jeke kitap bolyp jaryq kórdi. Olar qatysýshylardyń barlyǵyna kádesyı retinde tartý etiledi. Baıqaýǵa qatysýshylarǵa júldelerdi Uly Otan soǵysynyń ardagerleri men jaýynger-ınternatsıonalıster saltanatty jaǵdaıda tabystaıdy. Saltanat sońynda qonaqtar men qatysýshylar Keńes Odaǵynyń Batyry Aqan Qurmanov atyndaǵy mektep-lıtseıdiń «Dańq» murajaıyn tamashalaıdy.
