Elordada memtapsyrystaǵy buzýshylyqtardy anyqtaıtyn aqparattyq júıe engiziledi

ASTANA. QazAqparat - Elordada memlekettik tapsyrys barysynda bıýdjet qarajatyn maqsatsyz paıdalanýǵa jol bermeıtin aqparattyq júıe engiziledi. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Astana qalalyq departamenti dırektorynyń orynbasary Jazıra Jylqyshıeva aıtty, dep habarlaıdy QazAqparat.

«Naýryz aıynan tender bastalady, al bul - mıllıardtaǵan qarjy. Baǵanyń kótermelengenin nemese shyǵyndalǵanyn aldyn ala anyqtaýǵa múmkindik beretin arnaıy aqparattyq júıe bar. Qazir biz bul júıeni ákimdikke usynys retinde berip otyrmyz», - dedi ol.

Onyń aıtýynsha, atalǵan júıe bıýdjet qarajatyn josparlaý jáne portalda ornalastyrý kezinde-aq bıýdjet qarajatynyń tıimsiz paıdalanýǵa jol beriletindigin birden anyqtaıdy.

«Búginde bul jumysty qyzmetker atqaryp jatyr jáne ol barlyǵyn monıtorıng jasap otyrady. Ótken jyly da qyzmetkerdiń kómegimen monıtorıng júrgizip, 245 mln teńge únemdedik. ıAǵnı, bul qarajat ózge bireýdiń qaltasyna túsip ketýi múmkin edi. Biz onyń jolyn kestik. Al jobalyq top usynyp otyrǵan jańa júıe munyń barlyǵynyń aldyn alyp, avtomatty rejimde birden anyqtaýǵa múmkindik beredi», - dedi Jazıra Jylqyshıeva.

Aıta keteıik, búgin QR Memlekettik qyzmet isteri jáne sybaılas jemqorlyqqa qarsy is-qımyl agenttigi Astana qalasy ákimdigimen birlesip, memlekettik qyzmetshilerdiń ádep deńgeıin kóterý, kórsetiletin memlekettik qyzmetterdiń sapasyn arttyrý maqsatynda pikirtalas túrinde semınar ótkizgen bolatyn.