Elordada memlekettik turǵyn úı baǵdarlamasy aıasynda 134 páter bólindi

Astana ákimdiginiń málimetine qaraǵanda, taıaýda Astanada Turǵyn úı qurylysynyń 2008-2010 jyldarǵa arnalǵan memlekettik baǵdarlamasy sheńberinde salynǵan kezekti páterler bólindi. Baspanaǵa baǵdarlamanyń birinshi kezeńi boıynsha qujat tapsyrǵan 134 qatysýshy ıe boldy. Páterler Tilendıev dańǵylynan ońtústik baǵytqa qaraı Sarybulaq jylǵasynyń boıyndaǵy úıde ornalasqan.

Baspasóz habarlamasynda aty-jónderi tizimnen tabylǵan azamattarǵa Turǵyn úı basqarmasyna barýdyń qajeti joqtyǵyn eskertilgen. «Turǵyn úı komıssııasynyń oń qorytyndysyna ıe bolǵan azamattar satý-satyp alý jóninde kelisimshartqa qol qoıý úshin Astana qalasynyń Turǵyn úı basqarmasyna shaqyrtylatyn bolady»,-delingen taratylǵan málimette.