18:00, 29 Sáýir 2023 | GMT +6
Elordada Memlekettik týdy astyn ústine qaratyp teris ilip qoıǵan - ákimdik túsinik berdi
ASTANA. QazAqparat - Almaty aýdanynyń ákimdigi elordadaǵy Otan qorǵaýshylar alańynda teris ilingen Memlekettik Týǵa qatysty túsinik berdi, dep habarlaıdy QazAqparat tilshisi.
«Atalǵan másele boıynsha syn-eskertpe eskerilip, tý qaıta ilindi. Qazirgi ýaqytta tý tıisti tártipte, ıaǵnı asty ústine qaratylyp qaıta ornatylǵan. Merdigerlik uıymǵa kelisimshart mindettemelerin sapasyz oryndaǵany úshin qajetti sharalar qabyldanady. Sondaı-aq, merdiger mekemeniń basshylyǵymen profılaktıkalyq áńgime ótkizildi», - delingen Almaty aýdany ákimdiginiń baspasóz qyzmeti taratqan habarlamada.
Eske salaıyq, búgin jelilerde bas shahardaǵy Otan qorǵaýshylar alańynda Týdy astyn ústine qaratyp, teris ilingeni kórsetilgen foto men vıdeo jarııalanǵan edi.
