Elordada memlekettik tildi oqytý úderisindegi lıngvodıdaktıkalyq testileýdiń orny men mańyzy» atty respýblıkalyq ǵylymı-praktıkalyq semınar ótedi

Bul aqparatty QR Mádenıet mınıstrliginiń Til komıteti Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵynyń baspasóz qyzmeti taratyp otyr.

Semınar barysynda lıngvodıdaktıkalyq testileýdiń teorııalyq jáne praktıkalyq máseleleri, testileýdiń ádistemesi men tehnologııasy, test túrindegi baqylaýdyń mindetteri men prıntsıpteri, memlekettik tildi oqytýda jáne testileýde jańa kompıýterlik tehnologııalardy qoldaný, test alýdyń psıhologııalyq máseleleri qarastyrylady.

Atalǵan is-sharany Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy dırektorynyń mindetin atqarýshy Álim Sergibaev kirispe sózben ashady. Tyńdaýshylardyń aldynda Til komıtetiniń tóraǵasy f.ǵ.d., professor Baýyrjan Omarov sóz sóıleıdi.

Semınardyń jumysyna QR Memlekettik qyzmet isteri agenttiginiń Memlekettik qyzmetti kadrlarmen qamtamasyz etý departamentiniń dırektory Maqsut Óteshev, fılologııa ǵylymdarynyń doktory, QR Prezıdentiniń janyndaǵy Memlekettik basqarý akademııasynyń professory Elmıra Orazalıeva, QR BǴM Ulttyq testileý ortalyǵynyń dırektory Qalı Ábdıev, Ulttyq testileý ortalyǵy Memlekettik tildi damytý basqarmasynyń jetekshisi Aıdos Ábdihalyqov qatysady.

Semınarda lıngvodıdaktıkalyq testileýdiń teorııasy jáne praktıkasynyń máselelerin zerttep júrgen esimi elimizge tanymal ǵalymdar dáris oqyp, praktıkalyq sabaqtar júrgizedi.

Semınarǵa Ortalyq atqarý organdarynyń memlekettik tildi damytý basqarmalarynyń (bólimderiniń) basshylary, mamandary, Astana, Almaty jáne oblys ortalyqtaryndaǵy memlekettik tildi oqytý ortalyqtarynyń basshylary men ádisker-oqytýshylary, buqaralyq aqparat quraldary ókilderi qatysady. Semınardyń sońynda tyńdaýshylarǵa sertıfıkat beriledi.