Elordada «Memlekettik til - memlekettik qyzmette» atty semınar ótti
ASTANA. 23 qyrkúıek. QazAqparat - Qazaqstan Respýblıkasy Bilim jáne ǵylym mınıstrliginde «Memlekettik til - memlekettik qyzmette» atty semınar bolyp ótti.
Bul shara atalǵan mınıstrliktiń 2011 jylǵy ekinshi jartyjyldyqqa arnalǵan josparyna oraı júzege asyryldy.
Semınardyń basty maqsaty - mınıstrlikte memlekettik tilde ázirlenetin qujattardyń sapasyn arttyrý. Oǵan komıtetterdiń, departamentter men basqarmalardyń bastyqtary qatysty.
Kún tártibine sáıkes memlekettik tilde ázirlenetin qujattardyń jaı-kúıi jáne memlekettik tildi oqytý kýrsy týraly máseleler qaraldy.
Memlekettik tildi damytý basqarmasynyń bastyǵy Bátes Ámirjanova baıandama jasady. Ol Qazaqstan halyqtary tilderi kúnimen quttyqtaı kelip, jartyjyldyqtaǵy basqarmanyń atqarǵan jumystary jaıly, memlekettik tilde ázirlenetin qujattardyń jaı-kúıi týraly baıandap berdi. Sonymen qatar memlekettik tilde ázirlenetin qujattardyń sapasyn arttyrý joldaryna toqtaldy.
Semınar qorytyndysy boıynsha birqatar usynystar ázirlendi. Atap aıtqanda, memlekettik tilde ázirlenetin qujattardyń sapasyna basqarma bastyqtarynyń tikeleı jaýapkershiligin kúsheıtý, memlekettik tilde ázirlenetin qujattardyń sapasyn arttyrý maqsatynda til úırenýge baǵyttalǵan dıskilerdi mınıstrliktiń jalpy saıtyna únemi ornalastyryp otyrý jáne basqa da máseleler qamtyldy.
