Elordada «Memlekettik til - memlekettik qyzmette» atty qalalyq baıqaý ótedi

Baıqaýdyń shartyna sáıkes ár mekemeden bir top qatysyp, onyń quramynda 5 qyzmetker bolýy kerek. Saıystyń irikteý týry qyrkúıektiń 3-5-i aralyǵynda ótedi. Saıysqa qatysýshylar 5 kezeń boıynsha synǵa túsedi. Birinshi kezeńde qatysýshylar toptyń ataýyn, uranyn, maqsaty men mindetterin tanystyrsa, kelesi «Іs júrgizýdegi sóz qoldaný jáne pikirsaıys» kezeńinde is júrgizýge qatysty qujattardyń júrgizilýi týraly, jumys barysyndaǵy taldaý, saraptaý, esep berý, baıandama jasaý, resmı sóz sóıleý usynystar aıtý boıynsha kórinis kórsetetin bolady. Úshinshi kezeń «Qazaq tili jańa tehnologııalar áleminde» dep atalady. Al «Termınder álemi» kezeńinde top músheleri berilgen termınderdiń qazaqsha balamalaryn aıtyp berýi tıis. Sońǵy «Qazaq sózi» kezeńinde qatysýshy til týraly danalyq sózderdi, áıgili ǵalymdar men saıası qaıratkerlerdiń sózderin nasıhattaý nemese memlekettik tilge qatysty qyzmet babyndaǵy usynys, oı-pikirin ortaǵa salý, resmı qujattardan dáıeksóz alyp, ony qorytyndylaı bilýi kerek.

Baıqaýǵa qatysý týraly usynys qyrkúıektiń 3-ine deıin myna meken jaı boıynsha: Astana qalasy, Beıbitshilik kóshesi, 11 qabyldanady.