Elordada memlekettik satyp alý arqyly bıýdjetten 1 mlrd teńge jymqyrylǵan

NUR-SULTAN. QazAqparat - Elordada memlekettik satyp alýdy ótkizý kezinde 1 mlrd teńgeden astam somany jymqyrý deregi anyqtaldy. Bul týraly QazAqparat Qarjylyq monıtorıng agenttigi agenttigine silteme jasap habarlaıdy.

QR Qarjylyq monıtorıng agenttigi memlekettik satyp alýdy ótkizý kezinde Nur-Sultan qalasy ákimdiginiń merdiger uıymdarymen bıýdjet qarajatyn jymqyrý faktisin anyqtady.

Tergeý barysynda qala ákimdiginiń taýar-materıaldyq qundylyqtardy qymbattalǵan baǵada satyp alǵany belgili boldy.

Memleketke keltirilgen zalal mólsheri 1 mlrd. teńgeden astam somany quraıdy. Bul qarajatqa 300 oryndyq balabaqsha nemese medıtsınalyq mekemelerge qajetti sapalyq jabdyqtar satyp alýǵa bolatyn edi.

Qazirgi tańda QR QK-niń 189-b. 4-b. 2-t.sáıkes sotqa deıingi tergeý isi júrgizilýde (iri mólsherdegi senip tapsyrylǵan bóten múlikti ıemdenip alý nemese talan-tarajǵa salý).

QR QPK-niń 201-b. tártibinde tergeý múddelerine sáıkes basqa derekterdiń jarııa etilýine jol berilmeıdi.