Elordada memlekettik rámizder jónindegi komıssııanyń otyrysy ótti
ASTANA. QazAqparat - Elordalyq ákimdikte Astana qalasy ákiminiń orynbasary Ermek Amanshaevtyń tóraǵalyǵymen Qazaqstan Respýblıkasynyń memlekettik rámizderi jónindegi komıssııanyń otyrysy ótti. Kún tártibinde QR memlekettik rámizderin paıdalanýdaǵy buzýshylyqtardy anyqtaý, sondaı-aq, QR zańnamasyn buzý faktileri anyqtalǵan jaǵdaıda, jergilikti organdardyń is-qımyldarynyń algorıtmin qabyldaý máseleleri qaraldy, dep habarlaıdy ákimdiktiń baspasóz qyzmetinen.
«Menińshe, memlekettik rámizder - búgingi tańda Qazaqstan qol jetkizgen jetistikterdi nasıhattaýǵa jáne úgitteýge arnalǵan óte qýatty platforma. Bul birigýdiń, Otanymyzǵa, elimizge, respýblıkamyzǵa degen eń jaqsy sezimderdi akkýmýlıatsııalaý tuǵyrnamasy. Astanada memlekettik rámizderdi paıdalaný jaǵdaıy árqashan da nazarda - bul ózekti másele. Búginde elimiz úlken josparlar quryp otyr, sondyqtan memlekettik rámizderdi paıdalaný asa mańyzdy bolyp tabylady», - dedi Astana ákiminiń orynbasary otyrys barysynda.
Kezdesýge qatysqan qalalyq basqarmalar men aýdan ákimdikteriniń ókilderi memlekettik rámizderdiń jaǵdaıy men olardy paıdalanýdy tekserý jumystarynyń kestesin talqylady. QR Táýelsizdiginiń 25 jyldyǵyna arnalǵan is-sharalar barysynda memlekettik rámizder belsendi túrde nasıhattalatyn bolady.
«Qazirgi kezde qala boıynsha memlekettik rámizderdi sapaly paıdalanýdy júıelendirý boıynsha naqty jumystar júrgizilip jatyr. Barlyq basshylar buzýshylyqtardy túzetý úshin aqparatty Astanada jumys isteıtin, qyzmet etetin qurylymdyq bólimshelerge, kásiporyndarǵa, mekemelerge jetkizýi kerek», - dep tapsyrdy E. Amanshaev.
Komıssııanyń kelesi otyrysy maýsym aıynyń sońynda ótedi, onda júrgizilgen jumystardyń qorytyndysy talqylanbaq.
