Elordada memlekettik rámizder merekesine oraı saltanatty avtosherý ótedi
«Kez kelgen memlekettiń shekarasy, rámizderi bolatyndyǵyn bárimiz de bilemiz. El memlekettik týymen tuǵyrly, eltańbasymen aıshyqty bolatyndyqtan jastar arasynda birqatar is-shara ótkizýdi josparlap otyrmyz. Onyń birinshisi balkondaǵy tý dep atalsa, ekinshisi - avtovolonterlermen, jastar uıymdarymen birge uıymdastyrylyp jatqan avtosherý. Jastar kóliktermen, mototsıkldermen 28 shaqyrym joldy kók týymyzdy jelbiretip júrip ótedi», - dedi Nur-Sultan qalalyq jastar saıasaty máseleleri basqarmasynyń basshysy Dáýlet Káribek sherý aldynda BAQ ókilderine bergen suhbaty barysynda.
Onyń atap ótýinshe, 9 mamyr kezinde elorda jastary qalamyzda karantındik rejım bolǵandyqtan ekinshi dúnıejúzilik soǵys maıdangerlerine qurmet kórsetip, «Otan qorǵaýshy» monýmentine gúl shoqtaryn qoıý arqyly taǵzym ete almady. Sondyqtan búgin elorda jastary atalǵan monýmentke gúl shoqtaryn qoıady.
«Kez kelgen azamat qolyna elimizdiń kók týyn alsa aıbyny ósip, rýhy asqaqtaıdy. Qazirdiń ózinde osy jerde tý ustaǵan jastarymyzdyń arqalanyp, memlekettik rámizge degen súıispenshilikteriniń artyp turǵanyn baıqaýǵa bolady. Buǵan qosa búgingi avtosherý karantın kezinde úıge qamalyp, buıyǵy tirshilik keshken elordalyqtardyń eńsesin tikteýge, olardyń boıyndaǵy memlekettik rámizderge degen qurmetin arttyrýǵa sep bolady dep oılaımyn», -dedi ol.
