Elordada memlekettik qyzmetti jańǵyrtýdyń ózekti máseleleri talqylanýda
ASTANA. 28 qazan. QazAqparat - Búgin Qazaqstan Respýblıkasy Prezıdentiniń janyndaǵy Memlekettik basqarý akademııasynda Óńirlik hab sheńberinde habtyń qatysýshy elderiniń memlekettik qyzmet salasyndaǵy ýákiletti memlekettik organdary men bilim berý mekemeleriniń basqarýshy býyny úshin «Memlekettik qyzmetti jańǵyrtýdyń ózekti máseleleri» taqyrybyndaǵy semınar-trenıng bastaldy.
Bul týraly QR Prezıdentiniń janyndaǵy Memlekettik basqarý akademııasynan habarlady.
«Semınar-trenıng úsh kúnge sozylady jáne úsh sessııadan turady: І. Memlekettik qyzmettiń adam resýrstaryn basqarýdaǵy ınnovatsııalary; ІІ. Qoǵamdyq eseptilik jáne memlekettik qyzmet júıesindegi sybaılas jemqorlyqqa qarsy saıasat; ІІІ. Memlekettik qyzmet tıimdiligi men memlekettik qyzmetshiler qyzmetin baǵalaý.
Pılottyq semınar-trenıng jumysyna Habtyń 12 qatysýshy eliniń memlekettik qyzmetshileri men bilim berý mekemeleriniń qyzmetkerleri qatysatyn bolady.
Atalǵan is-sharaǵa trener retinde Ontarıo Úkimetiniń Mınıstrler kabınetiniń Tıimdilik jáne ınnovatsııalar jónindegi vıtse-mınıstriniń eks-kómekshisi Art Denıels (Kanada), Nıderlandy Ortalyq Úkimetiniń Joǵary memlekettik qyzmet jónindegi keńsesiniń eks-bas dırektory ıAn Ýılem Vek, Nıderlandynyń Ortalyq Úkimetiniń joǵarǵy memlekettik qyzmet keńsesiniń (ABD) burynǵy bas dırektory Panos Lıverakos jáne Irlandııa Memlekettik qyzmetiniń atqarýshy bıliginiń eks-basshysy, BA&Associates konsaltıng kompanııasynyń basqarýshy dırektory Braıan Endrıýs qatysady.
Sabaqtar master-klastar, taldaý-pikirtalastar, keıs ádisin jáne ınteraktıvti bilim berý tehnologııalaryn qoldaný arqyly semınar-praktıkýmdar, toppen jumys isteý túrinde ótedi.
Semınar-trenıngti ótkizý ıdeıasy Kanada, Nıderlandy, Irlandııa jáne Grekııanyń memlekettik qyzmet júıesin reformalaýǵa qatysqan jetekshi halyqaralyq sarapshylarmen birge memlekettik qyzmetti jańǵyrtýdyń ózekti máselelerin talqylaý bolyp tabylady. Semınar-trenıngtiń baǵdarlamasyna halyqaralyq trenerlerdiń sabaqtarymen qatar Óńirlik hab memlekettik organdary ókilderiniń baıandamalary engizilgen.
Semınar-trenıngtiń ashylý rásimine Qazaqstan Respýblıkasy Memlekettik qyzmet isteri agenttiginiń tóraǵasy Á. Báımenov, BUU DB turaqty ókili Stıven Týll, Qazaqstan Respýblıkasy Prezıdentiniń janyndaǵy Memlekettik basqarý akademııasynyń rektory B. Ábdirasylov, sheteldiń jıyrmadan asa elshileri men ókilderi, sonymen qatar EQYU, Eýroodaq, USAID sekildi halyqaralyq uıymdardyń basshylary qatysty», - delingen Memlekettik basqarý akademııasy taratqan habarlamada.
