Elordada memleketaralyq izdeýde júrgen qylmysker ustaldy

NUR-SULTAN. QazAqparat – Nur-Sultan polıtseıleri jedel-profılaktıkalyq is-shara kezinde Reseı Federatsııasy aýmaǵynda adam óltirgeni úshin memleketaralyq izdeýde júrgen 29 jastaǵy Ózbekstan azamatyn ustady, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

Qolǵa túsken azamat Máskeýde bolǵan kezinde ishimdik iship otyryp, RF azamatyn óltirgen, keıin qashyp ketedi. 2020 jyly kúdikti anyqtalyp, memleketaralyq izdeý jarııalanǵan.

Qazirgi ýaqytta qylmysker Nur-Sultan qalasy Polıtsııa departamentiniń ýaqytsha ustaý ızolıatoryna qamaldy. Ekstradıtsııa máselesi sheshilip jatyr.

15-19 aqpan aralyǵynda elorda aýmaǵynda qylmystyq jaǵdaıdaǵy kóshi-qondy tómendetý maqsatynda jedel-profılaktıkalyq is-shara júrgizilip jatyr.

Qala aýmaǵynda zańsyz mıgranttar men ishki ister organdarynda ýaqytyly tirkelmeı kóshi-qon zańnamasyn buzǵandardy anyqtaý maqsatynda júıeli túrde tekserý júrip turady.

Úsh kún ishinde polıtsııa qyzmetkerleri shetel azamattarynyń elde bolý erejesin buzǵan 174 faktini anyqtaǵan, sondaı-aq izdeýde júrgen Qazaqstan Respýblıkasynyń 8 azamaty ustaldy.