Elordada memleket qajetine 58 jer telimi alynady
ASTANA. KAZINFORM – Búgin elorda máslıhatynyń kezekten tys sessııasynda jer ýchaskelerin memleket qajetine alýǵa baılanysty jer telimderin nemese ózge de jyljymaıtyn múlikti ıelikten shyǵarý sharttarynyń jobalaryn kelisý máselesi qaraldy.
Aıta keteıik, jaqynda máslıhattyń turaqty komıssııasynyń qaraýyna memleket qajetine alýǵa baılanysty ıelikten shyǵarylatyn jer ýchaskeleriniń tizbesi usynylǵan bolatyn. Sonymen qatar, paıdalanýǵa berý josparlanǵan áleýmettik nysandar, birqatar kósheler, mektepter, shaǵyn aınalma joldyń eki ýchaskesi, ákimshilik ǵımarattyń tizbesi tanystyryldy.
Búgin máslıhattyń sessııasynda Astana qalasy Turǵyn úı jáne turǵyn úı ınspektsııasy basqarmasynyń basshysy Ánýar Saıpov alynatyn jer telimderine qatysty túsinik berdi.
- Turǵyn úı basqarmasy máslıhat sessııasynyń qaraýyna 1 mlrd 260 mln tenge somasynda jalpy aýdany 15 gektar, 16 obekt boıynsha 58 jer ýchaskesin satyp alý jónindegi sharttyń jobasyn usynady, - dedi Ánýar Saıpov.
Jer ýchastkelerin satyp alý kelesi qurylys nysandary boıynsha júzege asady:
- Máńgilik el jáne Syǵanaq dańǵyldarynyń qıylysy;
- Toqpanov kóshesi mańyndaǵy mektep;
- Qaldaıaqov jáne Nurmaǵambetov kqsheleriniń qıylysyndaǵy balabaqsha;
- №48, 69, A106 jáne A108 aýmaǵynda Á. Marǵulan atyndaǵy Arheologııa ınstıtýtynyń kesheni;
- Aıtmatov jáne Qorǵaljyn kóshesi qıylysyndaǵy ákimshilik ǵımarat;
- Aqan seri keshesindegi balabaqsha qurylysy;
- S645 jáne Eńlik-Kebek kóshesi qıylysyndaǵy mektep;
- Baıtursynov jáne Nájimedenov dańǵyldary arasyndaǵy A-50 men A51 kósheleri;
- Tilendıev dańǵylynan Konstıtýtsııa kóshesine deıingi shaǵyn aınalma jol;
- Pýshkın kóshesinen Konstıtýtsııa kóshesine deıingi shaǵyn aınalma jol;
- Hýseın ben Talal jáne Qabanbaı batyr dańǵyldary qıylysyndaǵy ákimshilik ǵımarat.
Ánýar Saıpovtyń aıtýynsha, jer ýchaskeleriniń menshik ıeleri usynylǵan ótemaqy somasymen tanystyryldy.
Budan buryn habarlanǵandaı, bıyl qańtar aıynyń aıaǵynda Zeınulqabden Tabıǵat Astana qalasy máslıhatynyń tóraǵasy bolyp saılandy.