Elordada membaǵdarlama aıasynda eki turǵyn úı paıdalanýǵa beriledi

ASTANA. QazAqparat - Astana qalasy Turǵyn úı basqarmasynyń habarlaýynsha, Mebaǵdarlama aıasynda barlyǵy 12 myńnan asa azamat turǵyn úı alý quqyǵyn aldy. Olardyń ishinen bir ǵana 2008-2010 jyldarǵa arnalǵan Membaǵdarlama boıynsha - 8 myń adam. Qazirgi ýaqytqa deıin 1 980 otbasy turǵyn úımen qamtamasyz etilmegen bolatyn, dep habarlady qalalyq ákimdiktiń baspasóz qyzmetinen.

Membaǵdarlamanyń ekinshi kezeńi sheńberinde qatysýshylar arasynda turǵyn úıdi úlestirý jınaǵan baldarǵa sáıkes júrgiziledi (kóp baldan az ball boıynsha). Ústimizdegi jyldyń naýryz aıynda kóp ball jınaǵan Membaǵdarlama qatysýshylaryna tólem qabilettiligin baǵalaý úshin «Qazaqstannyń Turǵyn úı qurylys jınaq banki» AQ joldama berilgen bolatyn. Qazirgi kezde kommýnaldyq menshikke Sarybulaq arnasy boıynda N. Tilendıev dańǵylynan ońtústikke qaraı ornalasqan 608 páterlik eki turǵyn úı tapsyryldy, 5, 18 lottar. 1 shilde kúni Astana qalasy ákimdigi janyndaǵy turǵyn úı komıssııasynyń otyrysy ótti, onyń nátıjesi boıynsha kórsetilgen páter sanyn úlestirý júrgizilgen. Qazirgi ýaqytta ýákiletti memlekettik organ - «Astana qalasynyń Turǵyn úı basqarmasy» MM páterlerdi satyp alý-satý sharttaryn jasaý boıynsha jumys bastaldy. Sonymen qatar qazirgi ýaqytta Membaǵdarlama boıynsha ekinshi obekti Saraıshyq kóshesi boıyndaǵy 1056 páterge turǵyn úı keshenin tirkeý rásimi júzege asyrylýda. Kommýnaldyq menshikke obektini resimdeý aıaqtalǵannan keıin, sondaı-aq Membaǵdarlama qatysýshylary arasynda páterlerdi úlestirý júrgiziletin bolady.