Elordada «Mekteptegi kóshbasshylyq jáne basqarý 2012» Halyqaralyq ǵylymı-tájirıbelik konferentsııa ótedi
ASTANA. 13 qarasha. QazAqparat - 15 qarashada elordadaǵy Oqýshylar saraıynda QR Bilim jáne ǵylym mınıstri Baqytjan Jumaǵulovtyń qatysýymen
«Mekteptegi kóshbasshylyq jáne basqarý 2012» Halyqaralyq ǵylymı-tájirıbelik konferentsııasy ashylady. Sharany «Nazarbaev Zııatkerlik mektepteri» derbes bilim berý uıymy uıymdastyryp otyr.
«Nazarbaev Zııatkerlik mektepteri» álemdik aldyńǵy qatarly tájirıbelerdi meńgerip, ony jalpy bilim berý mekemelerine taratýǵa baǵyttalǵan. Biz bilim berý baǵdarlamalaryn daıyndaý, oqýshylardyń fýnktsıonaldy saýatyn qalyptastyrý, tárbıe jumystary júıesin qurý, muǵalimderdiń biliktiligin arttyrý, úshtildilikti mektepterge engizý jáne ózge de baǵyttar boıynsha belsendi túrde jumys isteýdemiz. Bul jerde Elbasynyń tapsyrmalaryn, álemdik bilim berý protsesi salasyndaǵy sońǵy úrdisterdi basshylyqqa alyp, ekonomıkalyq yntymaqtastyq jáne damý uıymyna kiretin elderdegi jaǵdaılardy jáne ıÝNESKO-nyń baǵdarlamalyq qujattaryn baqylap otyramyz», - delingen bilim ordasynyń baspasóz habarlamasynda
Kóshbasshylyq taqyryby qazirgi zamanǵy mektepterde kún ótken saıyn mańyzdy bola túsýde. Kásibı pedagogıkalyq qaýymdastyqty qalyptastyrýda menedjment pen basqarý mańyzdy ról atqarady. Konferentsııa osy máseleni tuńǵysh ret talqylaıtyn oryn bolmaq.
Halyqaralyq konferentsııa eki kúnge sozylyp, 300 den astam qatysýshynyń basyn qosady. Baǵdarlama jalpy otyrys, sektsııalar boıynsha jumys pen paneldik pikirsaıys túrindegi tórt baǵytqa bólingen. Qazaqstan, Ulybrıtanııa, AQSh, Nıderlandy, Belgııa, Estonııa, Fınlıandııa, Japonııa, Úndistan, Fılıppın jáne basqa da elderden kelgen top-menedjerler, bilim salasynyń zań shyǵarýshylary, sarapshylar, zertteýshiler jańa tendentsııalar men reformalar jaıynda sóz etedi. Bilim forýmy paıdaly aqparattardyń, kreatıvti ıdeıalardyń, baǵaly tájirıbe men keń baılanystardyń qaınary bolmaq.
