Elordada «Mektepke jol» qaıyrymdylyq aktsııasy bastaldy
NUR-SULTAN. QazAqparat - Elordada jańa oqý jyly qarsańynda áleýmettik osal sanattaǵy balalarǵa kómek kórsetýge baǵyttalǵan «Mektepke jol» qaıyrymdylyq aktsııasy bastaldy, dep habarlaıdy QazAqparat.
Kómekke muqtaj ata-analar ótinishterin «Meniń Atamekenim» portalynda «Mektepke jol» platformasynda qaldyra alady.
«Bul platforma muqtaj adamdar men qaıyrymdylyq jasaýshylar arasyndaǵy tikeleı baılanysty qamtamasyz etedi.
Qazirgi ýaqytta portalda Nur-Sultannan 3229 ótinish tirkelgen. Kezek boıynsha metsenattar men kásipkerler otbasylarǵa kómek kórsetedi», - dep atap ótti elordanyń bilim basqarmasynan.
Málim etilgendeı, tizimdegi alǵashqy 10 otbasyǵa 15 tamyzda planshetter syıǵa beriledi.
Jalpy, jyl basynan beri aktsııa aıasynda 4203 muqtaj oqýshyǵa 42 mıllıon teńgeden astam somaǵa kómek kórsetilgen.
Qala ákimdiginen málim etkendeı, aktsııa aıasynda kómek kórsetýge nıettiler kámeletke tolmaǵandardyń quqyqtaryn qorǵaý bólimine (telefondar nómirleri: 8 701 187 68 68, 8 778 381 68 39) habarlasa alady.
«Aıta keteıik, az qamtylǵan otbasylarǵa kómek turaqty negizde kórsetiledi. Jyl basynan beri balalarǵa smartfondar, noýtbýkter, kıim-keshek, kitaptar, ústel oıyndary satyp alynyp, qarjylaı kómek kórsetildi.
6 mamyrda «Sıtıbank» AQ bastamasymen, BUU Qorymen (ıÝNISEF) seriktestikte alty jáne odan da kóp bala tárbıelep otyrǵan otbasylardan shyqqan erekshe qajettilikteri bar balalarǵa, aýyr syrqattary bar balalarǵa kómek kórsetildi. Jalpy, Nur-Sultanda 40 balaǵa noýtbýkter taratyldy», - dedi elorda ákimdiginen.
