Elordada «Mektepke jol» aktsııasy bastaldy
Qaıyrymdylyq is-shara Baıqońyr aýdanynda aýdandyq ákimdik ókilderi men máslıhat depýtattarynyń qatysýymen bastaldy, dep habarlaıdy Nur-Sultan ákimdiginiń resmı saıty.
Bıyl aktsııa balalar jyly aıasynda ótkiziledi. Oǵan demeýshiler men qamqor azamattar belsendi qatysady.
Jyl saıynǵy is-shara jańa oqý jylyna daıyndyq kezeńinde halyqtyń áleýmettik osal sanatyndaǵy balalarǵa kómek kórsetýge baǵyttalǵan.
«Búgin biz az qamtylǵan jáne muqtaj otbasylarǵa arnalǵan jyl saıynǵy «Mektepke jol« respýblıkalyq aktsııasyn bastadyq. Ol 30 qyrkúıekke deıin jalǵasady. Bokstar Baıqońyr aýdanynyń úsh núktesinde ornatyldy: «Álem«, «Aımaktaý« jáne «Jannur« SÚ. Qaıyrymdylyq aktsııasyna qoldaý kórsetkisi keletinder qajetti zattardy, mektep formasyn, mektepke arnalǵan keńse taýarlaryn ala alady, olar az qamtylǵan oqýshylarǵa taratylady. Biz turǵyndardy ıgi isti qoldaýǵa jáne oǵan qatysýǵa shaqyramyz», - dep atap ótti Baıqońyr aýdanynyń ákimi Erlan Jaýlybaev.
Aktsııaǵa qatysý úshin muqtaj ata-analar óz mektebiniń áleýmettik pedagogtaryna júginýi tıis, olar aýdan ákimdigine tizimderdi qalyptastyrady jáne jiberedi.
Esterińizge sala keteıik, ótken jyly atalǵan aktsııa aıasynda 750-den astam bala qamtylsa, aǵymdaǵy jyly aýdan ákimdigi 1000-ǵa jýyq balany mektepke qajetti barlyq zattarmen qamtamasyz etýdi josparlap otyr.
Jaqsy dástúr aıasynda aýdan ákimi apparaty «Mektepke jol-2022» brendtelgen qaıyrymdylyq úılerin ornatty. Búgin bul «úıler» Baıqońyr aýdany ákimi men qalalyq máslıhat hatshysynyń mektepke qajetti zattary bar alǵashqy rıýkzaktarmen tolyqtyryldy.
