Elordada «Mektepke jol» aktsııasy aıasynda qaıyrymdylyq sharalary ótýde

ASTANA. QazAqparat - Jyl saıynǵy «Mektepke jol» aktsııasy osymen 8-shi ret ótkizilýde. Atalmysh aktsııa aıasynda 31 myńnan astam balaǵa jalpy somasy 276 mıllıon 835 myń teńgege kómek kórsetildi, dep habarlady astana.gov.kz.

Búgin aktsııa aıasynda «Dar» qoǵamdyq qory elordanyń turmysy tómen otbasylardan shyqqan 10 balaǵa mektepke arnalǵan qural-jabdyqtar men portfelderdi syıǵa tartty.

Astana qalasy Bilim basqarmasynyń kámeletke tolmaǵandar quqyǵyn qorǵaý bóliminiń jetekshisi Lázzat Orynbasarovanyń aıtýynsha, kómekke zárý balalardyń tizimi mektepterdegi oqýshylar týraly aqparat bankinen alynady. Óz kezeginde bul tizimder demeýshilerge jiberiledi.

«Qazirgi ýaqytta naqty atqarylatyn sharýalar josparyn bekittik. Jaqyn arada qala boıynsha senim telefondary jazylǵan bılbordtar ilinedi. Іri saýda úılerinde turmysy otbasylardan shyqqan balalarǵa kómek kórsetkisi keletin turǵyndar úshin arnaıy konteınerler ornatylady. Ol konteınerlerge kıimder men mektepke qajetti zattardy sala alasyzdar», - dedi L. Orynbasarova.

Aktsııanyń maqsaty - oqýǵa tartylmaǵan balalardy anyqtaý, turmysy tómen jáne kóp balaly otbasylardyń balalary men jetim jáne ata-anasynyń qamqorlyǵynsyz qalǵan oqýshylarǵa kómek berý. Sonymen birge, aktsııa áleýmettik sebepter boıynsha 1 qyrkúıekte balalardyń mektepke barmaýynyń aldyn alýǵa baǵyttalǵan.

№ 7, 52, 76 metepterde (14.08, 21.08, 28.08, 3.09) aıyna eki ret balany mektepke ornalastyrý boıynsha mamandardyń keńesi jáne zańgerlik kómek kórsetiledi.