Elordada «Mektepke jol» aktsııasy aıasynda 17 balaǵa kómek kórsetildi
ASTANA. QazAqparat - Elordada «Mektepke jol» respýblıkalyq aktsııasy jalǵasýda. Astana qalasy Bilim basqarmasynyń málimetinshe, aktsııa bastalǵaly (1 tamyz) turmysy tómen jáne kóp balaly otbasylardan shyqqan 2,5 myńnan astam balaǵa materıaldyq kómek kórsetildi.
1 qyrkúıek qarsańynda balalar keńse taýarlarymen, qajetti kıim-keshekpen, aıaq kıimmen jáne mektep formasymen qamtamasyz etildi. Sonymen qatar, «Qazaeroservıs» AQ jáne «Turan-Astana» ýnıversıtetiniń demeýshilik qoldaýymen 17 balaǵa jyly kúrtesheler men sporttyq kostıýmder berildi, dep habarlady astana.kz.
«Bizge aktsııaǵa qatysyp, balalarǵa kómekteskisi keletin demeýshiler habarlasady. Shara qyrkúıek aıynyń sońyna deıin jalǵasady, sondyqtan balalardy kúrteshemen jáne jyly aıaq kıimmen qamtamasyz etpekpiz», - deıdi Astana qalasy Balalardyń quqyqtaryn qorǵaý bóliminiń basshysy Lázzat Orynbasarova.
