Elordada «Mektepke deıingi bilim berý: jaǵdaılary, úrdisteri, nátıjeleri» atty qalalyq ǵylymı-tájirıbelik konferentsııa ótýde

Konferentsııanyń maqsaty - mektepke deıingi bilimniń ózekti máselelerin sheshý boıynsha otandyq ǵalymdardyń ǵylymı qyzmetteri men úzdik pedagogıkalyq tájirıbelerdi biriktirý jáne qazirgi ǵylym men praktıkanyń jetistikterin esepke ala otyryp, búldirshin jastaǵy jáne mektep jasyna deıingi balalardy tárbıeleýdi, oqytýdy, damytýdy qazirgi zamanǵa laıyqtap ázirleý.

Konferentsııaǵa Astana qalalyq bilim basqarmasy men Bilim berý júıesindegi kadrlar biliktiligin arttyrý jáne qaıta daıarlaý ınstıtýtynyń qyzmetkerleri, Astana qalasy joǵary oqý oryndarynyń ǵalymdary, mektepke deıingi uıymdardyń meńgerýshileri men pedagog qyzmetkerleri qatysady.

Konferentsııa qatysýshylary «Mektepke deıingi bilim berý: jaǵdaılary, úrdisteri, nátıjeleri» kórmesiniń tusaýkeserin tamashalaı alady.

Sektsııa otyrystarynda mektepke deıingi uıymdar pedagogtary men psıhologtary sóz alyp, «Mektepke deıingi bilim berý mazmunynyń kóptúrliligi», «Mektepke deıingi bilim berýdi basqarý júıesindegi ınnovatsııalar», «Balabaqshada oqý-tárbıe úrdisin uıymdastyrý» boıynsha ózekti máseleler talqylanady.

Ǵylymı-praktıkalyq konferentsııa qorytyndysy boıynsha mektepke deıingi oqytý men tárbıe mazmunynyń sapasyn arttyrý, bilim berý men tárbıe úrdisine ınnovatsııalardy engizý, mektepke deıingi uıymdar pedagogtarynyń kásibı quzyrettiligin arttyrý boıynsha usynystar qabyldanady.