Elordada mektepke deıingi bilim beretin mamandardyń 35% salalyq bilimi joq

ASTANA. QazAqparat – Astana qalasynda mektepke deıingi bilim beretin mamandardyń 35 paıyzynyń salalyq bilimi joq. Bul týraly qalalyq bilim basqarmasynyń basshysy Qasymhan Senǵazıev málim etti, dep habarlaıdy QazAqparat tilshisi.

«Elordada 2025 jylǵa deıin taǵy 7,5 myń pedagog kadr qajet. Sebebi jaıly mektepter salynady, zeınetke shyǵatyndar bar jáne eki aýysymda jumys isteıtin muǵalimderdi azaıtý kerek. Bıyl qala ákimdigi pedagogıka mamandyǵy boıynsha 1000 grant bóldi. Ókinishke qaraı, bizde mektepke deıingi bilim berý salasynda kadr tapshylyǵy bar. Mamandardyń 35 paıyzy profıldi bilimsiz jumys isteıdi», - dedi Qasymhan Senǵazıev qalalyq máslıhattyń otyrysynda.

Osy oraıda basqarma basshysy kadr daıarlaý máselesiniń kún tártibinde ekenin tilge tıek etti.

Buǵan deıin Qasymhan Senǵazıev elordada 2025 jylǵa deıin 20 jaıly mektep salynatyndyǵyn habarlaǵan edi.

Onyń aıtýynsha, 90 myń oryndyq jaıly mektepti salý 2023 jyly bastalady.

Sondaı-aq, máslıhat otyrysynda Astanada jaıly mektepter salý máselesi kóterildi.