Elordada mektep oqýshylary arasynda gandboldan Azııa chempıonaty ótkiziledi
NUR-SULTAN. QazAqparat – Elordada alǵash ret 2021 jyly 19-24 shilde aralyǵynda mektep oqýshylary arasynda gandboldan Azııa chempıonaty ótedi, dep habarlaıdy QazAqparat ákimdik saıtyna silteme jasap.
Elorda ákimdiginiń «Astana konvenshn bıýro» JShS Qazaqstan mektep sport federatsııasymen birge mektep oqýshylary arasynda gandboldan Azııa chempıonatyn ótkizý quqyǵyna arnalǵan bıddıngke (konkýrs) qatysty. «Ótinish Halyqaralyq mektep sport federatsııasyna (ISF) jáne Azııa mektep sport federatsııasyna (ASSF) jiberildi. Nur-Sultan qalasynan túsken ótinishti qaraý nátıjesinde oń sheshim qabyldandy. Іs-shara ótkizý týraly sheshim qabyldanǵan kezde qalalyq týrızmniń damý bolashaǵy, júzege asyrylǵan sátti jobalar men is-sharalar tájirıbesi, turaqty damý, ekonomıka, áleýmettik sala jáne elordanyń ákimshilik júıesi eskerildi», delingen habarlamada.
Bul Azııa mektep sport federatsııasynyń qoldaýymen Qazaqstanda uıymdastyrylǵan mektep oqýshylary arasyndaǵy alǵashqy halyqaralyq jarys.
«Jarysqa Azııanyń kem degende 10 elinen 200-den astam oqýshy qatysady. Sondaı-aq, chempıonat aıasynda Atqarýshy komıtettiń otyrysy men Azııa mektep sport federatsııasynyń 10- forýmy ótedi. Forýmǵa Azııanyń 20 elinen 60-tan astam ulttyq mektep sport federatsııasynyń ókilderi qatysady», delingen habarlamada.
Qazaqstandyq mektep sport federatsııasy, ózin-ózi qarjylandyratyn úkimettik emes uıym - Halyqaralyq mektep sport federatsııasy (ISF) jáne Azııa mektep sport federatsııasynyń (ASSF) tolyqqandy múshesi. ISF jáne ASSF aıasynda Búkilálemdik gımnazıadalar, jekpe-jek saıystary, ınklıýzıvtik jáne tanymdyq oıyndar, 40-tan astam sport túrleri boıynsha álem jáne qurlyqtyq mektep chempıonattary ótkiziledi.
