Elordada mektep oqýshysy kompıýter qurastyryp shyǵardy

ASTANA. KAZINFORM — Elordadaǵy № 119 mekteptiń 10-synyp oqýshysy Aıat Tájen Raspberry Pi jınaǵyn paıdalana otyryp, shaǵyn kompıýter qurastyryp, baǵdarlamalady, dep habarlaıdy Astana ákimdiginiń resmı saıty.

Daıyn qurylǵy testileýden ótkizilip, onyń jumys jyldamdyǵy, ınternetke qosylý múmkindigi jáne energııa tutyný kórsetkishteri tekserildi. Testileý nátıjeleri qurylǵynyń oqý jáne kúndelikti qarapaıym jumystarǵa tolyqtaı jaramdy ekenin kórsetti.

— Aıat jobany jetildirý maqsatynda Raspberry Pi negizindegi shaǵyn portatıvti noýtbýk qurastyrý joldaryn zertteı bastady. Noýtbýk korpýsynyń ólshemderin anyqtap, 3D modelin jobalaý jumysyn júrgizdi. Protatıvti noýtbýktyń korpýsy 3D prınterde basyp shyǵarylǵan soń ishki qurylǵylar korpýsqa bekitilip jalǵandy. Nátıjesinde tolyqqandy shaǵyn protatıvti noýtbýk daıyn boldy. Jobany jasaýǵa shamamen 2 aı ýaqyt ketken. Bul joba oqýshylardyń shyǵarmashylyq qabiletin arttyryp, ınjenerlik oılaýyn damytýǵa jáne zamanaýı aqparattyq tehnologııalarǵa qyzyǵýshylyǵyn qalyptastyrýǵa múmkindik beredi, — dedi jetekshisi Aıbala Sarbasova.

Joba jumysyn júrgizý barysynda Aıat Tajen óziniń ınjenerlik, shyǵarmashylyq qabiletterin kórsetti. Ol sabaqtan tys ýaqytynda Web-jobalaý, 3D-modeldeý, programmalaýmen aınalysady. Python, C++, Lua, Dart programmalaý tilderin jetik meńgergen.

Osydan buryn elordada oqýshylar VR arqyly bolashaq mamandyqtaryn synap kórgenin jazdyq.