Elordada mektep ınspektorlarynyń sany artady
NUR-SULTAN. QazAqparat - Elordada mektep ınspektorlarynyń sany 33 qyzmetkerge artady. Bul týraly búgin Nur-Sultan qalalyq polıtsııa departamenti bastyǵynyń orynbasary Rústem Sháribaev aıtty, dep habarlaıdy QazAqparat tilshisi.
"Ózderińizde biletindeı, Nur-Sultan qalalyq polıtsııa departamenti elordanyń oqý oryndarynda qoǵamdyq tártipti qamtamasyz etýge jiti nazar aýdarady. Búgingi kúni elordada, bizdiń departamentimizde qala boıynsha 117 mektep ınspektory jáne kámeletke jasy tolmaǵandar isi jónindegi 36 ınspektor jumys isteıdi. Biz Іshki ister mınıstrligine osy jyldyń 1 maýsymyna deıin mektep ınspektorlarynyń shtattyq birligin taǵy 33-ke ulǵaıtý týraly usynys engizdik", - dedi ol.
Onyń atap ótýinshe, mundaı shara elordanyń kúnnen-kúnge ulǵaıyp, jańa mektepterdiń salýyna baılanysty qabyldanyp otyr. Sonymen qatar ol 25 mamyrda sońǵy qońyraýdyń soǵylýyna jáne 12-26 maýsym aralyǵynda shamamen 89 kóńil kóterý orny men 20-dan astam mektep ǵımaratynda túlekter keshiniń ótýine baılanysty qaýipsizdik sharalarynyń qabyldanatyndyǵyn aıtty.
"Departament túlekter keshi ótetin jerlerdegi qoǵamdyq tártipti, qaýipsizdik saqtaýǵa baǵyttalǵan barlyq sharany qabyldaıtyn bolady. Nur-Sultan qalasynyń árbir bilim berý ornyna mektep ınspektory, polıtsııa ınspektory, jaýapty ınspektor, sonymen departamenttiń basshylyq quramynan jaýapty tulǵa bekitiledi", - dedi R.Sháribaev.
