Elordada mektep dırektory para alý kúdigine ilikti

NUR-SULTAN. QazAqparat - Elordada mektep dırektory para alý kúdigine ilikti. Bul týraly QR Sybaılas jemqorlyqqa qarsy is-qımyl agenttiginiń apparat basshysy Qýanysh Japaqov onlaın brıfıng barysynda aıtty, dep habarlaıdy QazAqparat tilshisi.

Onyń atap ótýinshe, agenttiktiń Nur-Sultan qalalyq departamenti elorda mektepteri biriniń dırektoryna qatysty sotqa deıingi tergeý amaldaryn júrgizip jatyr. Ol jeke kásipkerlerden memlekettik satyp alýlar týraly kelisimshart jasasqany jáne tólem júrgizgeni úshin 623 myń teńge kóleminde para alǵan. Osylaısha shaǵyn jáne orta bıznestiń zańdy múddelerine kedergi keltirgen.

«Kúdiktilerge qatysty bultartpaý sharasy qabyldandy. Joǵaryda atalǵan kúdikti tulǵalarǵa qatysty túpkilikti sheshimdi olardyń kinásiniń dárejesin anyqtaý arqyly sot shyǵarady», - dedi Qýanysh Japaqov.