Elordada mektep dırektory para aldy degen kúdikke ilindi

NUR-SULTAN. QazAqparat - Nur-Sultan qalasynyń sybaılas jemqorlyqqa qarsy kúres qyzmeti qalalyq mektepterdiń biriniń dırektoryna qatysty sybaılas jemqorlyq qylmysyn jasady degen kúdikpen sotqa deıingi tergeýdi bastady, dep habarlaıdy QazAqparat tilshisi.

Jemqorlyqqa qarsy kúres qyzmetiniń baspasóz qyzmeti taratqan aqparatqa qaraǵanda, ol JShS ókilinen mekteptegi tamaqtandyrý boıynsha kórsetiletin qyzmetti júzege asyrý kezinde jalpy qamqorlyǵy úshin 742 myń teńge kóleminde (aılyq bıýdjettik qarjylandyrýdyń 10 paıyzy) para alý kúdigine ilikken.

«Sotqa deıingi tergeý jalǵasýda. Kúdiktige qatysty túpkilikti sheshimdi onyń kinálilik dárejesin anyqtaý arqyly sot shyǵaratyn bolady», - dep atap ótedi vedomstvodan.