Elordada mekenjaı anyqtamasyn saılaý ýchaskesinen alýǵa bolady
ASTANA. QazAqparat - 20 naýryzda Qazaqstan Respýblıkasy Parlamenti Májilisi depýtattarynyń kezekten tys saılaýy jáne Astana qalasy máslıhaty depýtattarynyń kezekti saılaýy ótedi. Árbir saılaý ýchaskesinde saılaýshylarǵa qolaıly bolýy úshin shaǵyn HQKO jumys isteıtin bolady, dep habarlaıdy qalalyq ákimdiktiń baspasóz qyzmeti.
Mundaı HQKO turǵyndardy qandaı da bolmasyn saılaý ýchaskesiniń saılaýshylar tizimine engizý úshin mekenjaı anyqtamalaryn beretin bolady.
Eskertý: daýys berý quqyǵyna ıe azamat tek tirkelgen saılaý ýchaskesinde ǵana óz daýysyn bere alady.
Mysaly: Ivanov Ivan Ivanovıch «Saryarqa» aýdany S. Kýbrın kóshesi, № 20/1 mekenjaıy boıynsha tursa, onda ol №272 saılaý ýchaskesine qatysty saılaýshylar tiziminde bolady, eger ol bul tizimnen tabylmasa, shaǵyn HQKO qyzmetin paıdalana otyryp, osy saılaý komıssııasyna osy ýchaskede turatynyn rastaý úshin mekenjaı anyqtamasyn usynyp, daýys beredi.
Óz saılaý ýchaskeńizdi https://service.astana.kz/SearchElectionArea/siltemesi boıynsha taba alasyz.
Shaǵyn HQKO jumys isteý tártibi:
1.Azamat mekenjaı anyqtamasyn berý týraly ótinish jasaıdy;
2. Shaǵyn HQKO qyzmetkeri málimetterdi óńdeıdi;
3.Mekenjaı anyqtamasy beriledi;
4.Saılaýshy tirkelgen ýchaskesi boıynsha daýys beredi.
Eger azamat saılaýshylar tiziminde bolmaǵan jaǵdaıda, saılaý ýchaskesiniń jaýapty tulǵasy (budan ári - jaýapty tulǵa) saılaýshyǵa ótinish toltyrý úshin jeke bólingen orynǵa ótýdi jáne onyń turǵylyqty jeri boıynsha tirkelgenin rastaýdy usynady.
Turǵylyqty jeri boıynsha tirkelgenin rastaý kelesi tártipte júzege asyrylady:
1) Saılaý ýchaskesinde kepildi joǵary jyldamdyqty ınternetke kirý múmkindiginiń bolýy:
1.1.Jaýapty tulǵa elektrondy poshta arqyly HQKO bekitilgen qyzmetkerine saýal joldaıdy;
1.2. HQKO bekitilgen qyzmetkeri saýaldy alǵan soń mekenjaı anyqtamasyn alý úshin HQKO IAJ ótinimdi rásimdeıdi;
1.3. HQKO IAJ-dan nátıje kelgen soń HQKO bekitilgen qyzmetkeri elektrondy poshta arqyly mekenjaı anyqtamasyn (skanerlemesten) jaýapty tulǵaǵa joldaıdy.
2) Saılaý ýchaskesinde kepildi joǵary jyldamdyqty ınternetke kirý múmkindigi bolmasa:
2.1. Jaýapty tulǵa telefon baılanysy nemese fakstyq habarlamamen HQKO bekitilgen qyzmetkerinen azamattyń ATÁ men JSN mindetti túrde kórsete otyryp, málimetterdi suratady;
2.2. HQKO bekitilgen qyzmetkeri suratýdy alǵan soń meken jaı anyqtamasyn alý úshin HQKO IAJ ótinimdi rásimdeıdi;
2.3. HQKO IAJ-dan nátıje kelgen soń HQKO bekitilgen qyzmetkeri telefon baılanysy nemese faksty habarlamamen mekenjaı anyqtamasyn jaýapty tulǵaǵa jiberedi.
Saılaýshynyń tirkelgen orny boıynsha tirkeý týraly málimetterdi rastaýdy alǵan soń saılaýshy saılaýshylar tizimine engiziledi jáne oǵan daýys berý úshin bıýlleten beriledi.
Osy saılaý ýchaskesinde tirkelý faktisi rastalmaǵan jaǵdaıda, saılaýshy óziniń tirkelgen jeri boıynsha saılaý ýchaskesine jiberiledi.
Mekenjaı anyqtamasynda qate nemese tolyq emes aqparat bolǵan jaǵdaıda - mekenjaıy durys bolmasa nemese tirkelý merzimi kórsetilmese, jaýapty tulǵa azamatqa HQKO kóshi-qon polıtsııasy qyzmetkerimen júzege asyrylatyn mekenjaı málimetterin túzetý úshin jyljymaıtyn múlikke (páter, úı) quqyq belgileýshi qujattarmen HQKO júginýge keńes beredi.
Jumys kúniniń qorytyndysy boıynsha ýchaskelik saılaý komıssııalary HQKO saılaý kúni ishinde qosymsha tizimderge engizilgen saılaýshylardyń ATÁ men JSN-i kórsetilgen resmı saýal joldaıdy.
Osy saýal boıynsha HQKO jaýapty tulǵalardyń saýaldary boıynsha saılaý barysynda berilgen saılaýshylardyń mekenjaı anyqtamalaryn joldaıdy.
