Elordada medıtsınalyq kolledjdegi aýdıtorııaǵa qaza tapqan feldsherdiń esimi beriledi
ASTANA. KAZINFORM — Densaýlyq saqtaý mınıstri Aqmaral Álnazarova elordada turǵyn úı qasbetinde kirpish qaptamasynyń qulaýy saldarynan kóz jumǵan feldsher Uldana Myrzýan isin tergeýge qatysty pikir aıtty.
— Bul oqıǵada qurylys normalary men erejelerine qatysty kóp suraq bar, ıaǵnı qurylys kezinde tıisti talaptar eskerilmegen degen kúmán aıtylyp jatyr, — dedi Aqmaral Álnazarova Parlament Májilisinde tilshiler suraǵyna jaýap bere otyryp.
Osy oraıda ol bul másele boıynsha tergeý amaldary jalǵasyp jatqanyn eske saldy.
— Ol oqyǵan medıtsınalyq kolledjdegi dárishanaǵa onyń esimin berýdi josparlap otyrmyz, — dedi vedomstvo basshysy.
Esterińizge sala ketsek, 8 qarashada elordada turǵyn úı kesheniniń qasbetindegi kirpish qaptamasy men kondıtsıoner qondyrǵysynyń bóligi qulap, saldarynan 5 adam zardap shekti. Zardap shekkenderdiń bári № 1 kópsalaly aýrýhanaǵa jetkizildi.
18 qarasha kúni jaraqat alǵan feldsher Uldana Myrzýan kóz jumdy.